Isaias 57:19 - Maung A Balita Biblia

¹⁹ Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Maung a Balita Biblia

¹⁹ Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Isaias 57:19 Referans Kwoze

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

TAGA-EFESO 6:19

Ipikasi yo met ya iter na Dios ed siak so dugan pananalita, et diad ontan, matalek ak a mangipaliwaway niamut a katwaan na Maung a Balita.

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Mateo 10:13

No manepeg iray totood saman ya abung, itilak yoy impaabet yon kareenan ed sikara; balet no ag da kayo awaten, babawi yo.

Isaias 6:7

Indelnet tod bibil ko may ngalab tan kuanto, “Nidelnet ya ed bibil mo, et natan naandi lay kaogsan mo tan apirdona la ray kasalanan mo.”

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

TAGA-EFESO 2:13

Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Isaias 51:16

Impanat koy katawenan tan inlirak iray pundasion na mundo; kuankod saray totood Jerusalem, ‘Sikayo ray totook! Iter kod sikayo ray salitak, tan iyaagel ta kayo diad panamegley na dilin limak.’”

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Sofonias 3:9

“Insan ko pasimbaloen iray totood saray bansa, tan mampikasi rad siak labat ya aliwan diad saray diriyos, tan siak labat so panlingkuran dan amin.

Zacarias 9:10

Say Katawan kuanto, “Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.”

Jeremias 30:17

Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, ‘Nibantak so Sion; anggapoy malabay ed sikato.’ Siak, say Katawan, so nansalita.”

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.