Isaias 57:15 - Maung A Balita Biblia

¹⁵ “Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Maung a Balita Biblia

¹⁵ Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 57:15 Referans Kwoze

Saray Salmo 34:18

Say Katawan maasinger ed saray nanaekalay biskeg na linawa; ilalaban to ray sigput a naandiay ilalo.

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Saray Salmo 147:3

Papaabigen to ray nanaekalay biskeg na linawa tan beberberen to ray sugat da.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Isaias 52:13

Say Katawan kuanto, “Maung so kasumpalay kimey na aripen ko; ontan lay kitanduro tan kigalang to.

Isaias 40:28

Ag yo amta? Ag yo ni nadngelan? Say Katawan so andi-anggaan a Dios; pinalsa to so sankamundoan. Ag balut nakesawan odino napunaw. Anggapoy makatalus na kanunotan to.

Deuteronomio 33:27

Say andi-anggaan a Dios so lawas manangyagel yo; saray magnayon a taklay to so sakorung yo. Pinataynan to ray kalaban yo legan yon mankukurang, tan imbaga tod sikayon deralen yo ran amin.

Saray Salmo 90:2

Kasakbayay impamalsam ed saray palandey, odino impamalsam ed mundo, Dios ka la manlapud gapoy-gapo; Dios ka ya anggad angga.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

2 Saray Awaran 34:27

nampatauli ka tan nampaabeba kad siak; ginebyas moy kawes mo tan manakakis ka nen nadngelan mo no panoy panusak ed Jerusalem tan saray totoon manaayam diman. Nadngel koy pikakasim,

Saray Salmo 51:17

Say mapaabeban ispiritu so ibagat kod sika, O Dios; ag mo ipolisay so mapaabeba tan magbabawin puso.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

Saray Taga Roma 1:20

Ta nanlapu lad impamalsay Dios ed mundo say ag nanengneng a kipapasen to, a salanti say andi-anggaan a pakayari tan inka-Dios to, et nanengneng a malinew la tan natalusan na saray totoo diad panamegley da ray pinalsa. Kanyan anggapo lay nibaraay totoo!

Saray Salmo 93:2

Manlapud gapoy gapo malet a niletneg so tronom, O Katawan, tan wala ka la kasakbayan na inkiwalay panaon.

Puyan 3:7

“Isulat mod anghil na iglisia ed Filadelfia: “Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

Lucas 1:49

lapud saray makapakelaw a bengatlan ginaway Makapanyarin Dios ed siak. Masanto so ngaran to;

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Probirbio 8:23

Diad gapoy gapo agawa ak la, diad gapo, kasakbayan ya apalsa so mundo.

Saray Salmo 123:1

Katawan, ontatangay ak ed sika, ditad tawen a panooleyan mo.

Saray Salmo 115:3

Walad tawen so Dios mi, tan gagawaen toy antokaman a labay to.

Saray Salmo 97:9

Makapanyarin-amin a Katawan, sikay manooley ed intiron mundo; matalonggaring kan tuloy nen saray diriyos.

Say Libro nen Job 6:10

No amtak ya onyay gawaen to onlukso ak ed liket, anggaman ya ontan lay irap a liliknaen ko.

1 Samuel 2:2

“Anggapoy masanto a singa say Katawan; anggapoy miparad sikato, anggapoy manangyagel a singa say Dios tayo.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: “Masanto, masanto, masanto so Katawan a Dios a Makapanyarin-amin, say Dios nen saman, natan, tan say onsabi.”

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

2 CORINTO 7:6

Balet say Dios a manliligliwad saray nanaekalay ilalo, niligliwa to kami diad insabi nen Tito.

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.

Saray Salmo 111:9

Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!

Saray Salmo 99:3

Idayew na amin a katoowan so matalonggaring tan mapagalang a ngaran to. Sikatoy masanto!

2 CORINTO 1:4

Liligliwaen to itayo ed amin a kairapan tayo, pian makatulong ti met ed saray arum a walad antokaman a kairapan diad panamegley na ligliwan inawat tayod sikato.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

2 CORINTO 2:7

Pirdona yo la laingen tan ligliwa yo, ta ag la pigan ompalaloy ermen to, et naekal so intiron ilalo to.

Saray Gawgawa 3:14

Impolisay yo so Masanto tan Matonung tan say managpatey na too la laingen so kinerew yon nibolus.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Isaias 6:1

Diad samay taon ya inatey si Ari Uzias anengneng koy Katawan. Manyodyorung ed trono ton atagey tan mapagalang, tan nilaknaban na kawes to so intiron Timplo.

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

Genesis 21:33

Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios.

Exodo 15:18

Sika, Katawan, so manari ed ando lan ando.”

Saray Salmo 138:7

Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.

Probirbio 16:19

Magmaung niy toon mapaabeba tan mairap-bilay nen say sakey ed saray mapaatagey tan miaapag ed saray asamsam da.

Isaias 33:5

Matalonggaring a tuloy so Katawan! Ooleyan toy amin a bengatla. Panoen to na kaptekan tan inkatonung so Jerusalem,

Daniel 2:11

Satay kekerewen mo, Kagalang ya Ari, et petepeteg a mairap tan anggapoy makagawa likud labat ed saray diriyos, balet ag ira mililimug ed saray katoowan.”

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Exodo 15:13

Saray totoom ya inyagel mo et inwanwan mo ra lapud ag mangoman a panangarom; diad panamegley na biskeg mo inwanwan mo ran amaarap ya anggad masanton dalin mo.

Exodo 40:34

Insan say lorem kinobutan to may Tuldan tan pinano na kagalangan na Katawan.

Exodo 40:35

Lapud saya, si Moises ag makaloob ed dalem na Tulda.

Say Libro nen Job 22:29

Paabebaen na Dios iray mapaatagey tan iyagel to ray mapaabeba.

Saray Salmo 34:19

Amayamay iray gunigon a paniirapay toon matonung, balet say Katawan ilalaban tod amin a gunigon to;

Saray Salmo 51:19

Diad ontan, manliket kad saray manepeg a bagat tan saray bagat min popoolan; et saray bakan kalakyan so nibagat ed tapew na altar mo.

Isaias 18:4

Inkuan ed siak na Katawan, “Manlapud tawen ag nalikas so iyosdung ko a singa ipepelag na linaew no panaon na panaganin masalimoot so labi, odino singa ampetapetang ya agew ya onsisinag no kagkaagewan.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Saray Tagleey 3:41

Lokasan tayoy puso tayo ed Dios a walad tawen, tan mampikasi tayo,