Isaias 56:2 - Maung A Balita Biblia

² Bindisionan ko ray totoon ngingilinan da lawas so Agew na Panagpainawa tan ag da susumlangen so ganggan nipaakar ed sayan agew. Bindisionan ko ray ag manggagawa na antokaman a kaogsan.”

Maung a Balita Biblia

² Bindisionan ko ray totoon ngingilinan da lawas so Agew na Panagpainawa tan ag da susumlangen so ganggan nipaakar ed sayan agew. Bindisionan ko ray ag manggagawa na antokaman a kaogsan.

Isaias 56:2 Referans Kwoze

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Ezekiel 20:12

Ginawak a say panngilin ed Agew na Panagpainawa et tanda na paknaan mi, pian mangipanunot ed sikara a siak a Katawan so mamapasanto ed sikara.

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Ezekiel 20:20

Pagmaliw yon masanto so Agew na Panagpainawa, pian magmaliw a tanda na sipanan tayo, tan mangipanunot ed sikayo a siak so Katawan a Dios yo.

Exodo 20:10

balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Juan 13:17

Natan ta amta yo la ra ya, maliket kayo na gawaen yo ra.

Saray Salmo 106:3

Maliket iray ontotoluk ed ganggan to, saray manggagawa lawas na inkatonung.

Probirbio 16:17

Dalan ya anggapoy kaogsan so pankukurangan da ray totoon maung a totoo; kanyan nengneng moy lalaen mo, ta nayarin ilaban toy bilay mo.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Probirbio 14:16

Saray totoon walay pakatalus maalwar ira tan nibatikan day gunigon, balet saray totoon makulang-kulang sagpasagpa rad antokaman a gawaen da.

Probirbio 4:27

Arawian moy kaogsan tan mankurang kan mapmaptek. Ag ka onsuasuawi na anggan sakey a kutdang ed maptek a dalan.

Probirbio 4:13

Nunot mo lawas so naaral mo. Say aral mo sikatoy bilay mo—simpitan mon maung.

Saray Salmo 119:101

Papaliisan koy maoges a kagagawa, ta labay kon onuren so salitam.

Levitico 19:30

Ngilinan yo so Agew na Panagpainawa, tan pangalangan yo so pasen a panangigalangan ed siak. Siak so Katawan.

Exodo 20:8

“Ngilinan moy Agew na Panagpainawa tan ipasen mon masanto.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

Lucas 12:43

Maliket yan aripen no nasabian na amo to a gagawaen toy kimey to!

Isaias 56:6

Say Katawan kuantod saray sangkailin nagmaliw a kabyangan na saray totoo na Katawan, a mangaaro tan manlilingkur irad sikato, ngingilinan day Agew na Panagpainawa, tan matoor dan susumpalen so impisipanan to:

Saray Salmo 128:1

Maliket ya amin iray matoluk ed Katawan, saray mambibilay ya onung ed saray ganggan to.

Saray Salmo 37:27

Arawian moy kaogsan tan manggawa kay kamaungan, et mansiansian mambilay ed dalin iray kabyangay boleg mo;

Saray Salmo 34:14

Arawian yoy kaogsan tan manggawa kayoy kamaungan; pampilalekan yod intiron puso so kareenan.

Nehemias 13:17

Nampasnukan ko ray pangulo na saray Judio tan inkuankod sikara, “Nengneng yoy kaogsan a gagawaen yo! Gagawaen yon aliwan masanto so Agew na Panagpainawa.

Saray Taga Roma 12:9

Nepeg ya anggapoy pankonkonwari so panangaro yo. Bosul yoy kaogsan, pabli yoy kamaungan.

Isaias 56:4

Say Katawan kuantod satan a too, “No ngilinan moy Agew na Panagpainawa tan gawaen moy makapaliket ed siak tan matoor mon sumpalen so impisipanan ko,

Ecclesiastes 7:18

Ag mo lalabasey inkaoges odino say inkatonung mo. Igalang moy Dios et onaligwas ka met ni lamlamang.