Isaias 55:11 - Maung A Balita Biblia

¹¹ Ontan met so pagmaliwan na salitan ibabalikas ko— ag ompawil ed siak ya anggapoy agawaan to; sumpalen toy antokaman a ginetmak tan gawaen toy angibakian kon gawaen to.

Maung a Balita Biblia

¹¹ Ontan met so pagmaliwan na salitan ibabalikas ko ag ompawil ed siak ya anggapoy agawaan to; sumpalen toy antokaman a ginetmak tan gawaen toy angibakian kon gawaen to.

Isaias 55:11 Referans Kwoze

Mateo 24:35

Naandipat so tawen tan dalin, balet ag balut naandipat iray salitak.”

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Saray Taga Roma 10:17

Kanyan say pananisia manlalapud pandengel na balita, tan say balita onsasabi diad panamegley na pampulong na nipaakar ed Cristo.

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Isaias 45:23

Tua so sipan ko, tan ag balut naoman. Sasambaan kod siak a dili; Ondagod siak so balang sakey tan ontalimukor irad arap ko tan sambaan dan matoor irad siak.

1 CORINTO 1:18

Ta diad saray nababalang, anggapoy kabaliksan na balitan nipaakar ed impatey nen Cristo ed krus; balet diad sikatayon nilalaban, sikatoy pakayari na Dios.

1 TESALONICA 2:13

Say sakey nin makasengeg na pangiiteran mi lawas na pisasalamat ed Dios, saya: nen impulong miy salitay Dios ed sikayo inawat yon aliwan salitay too, no ag ta peteg a salitay Dios. Say pakayari to yan salitay Dios et nanengneng ed panagbilay yon mananisia.

1 Pedro 1:23

Ta nianak kayo lamet aliwan diad panamegley na too, no ag ingen diad panamegley na pakayari na mabilay tan ag manganggan salitay Dios.

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

Saray Hebreo 6:7

Bibindisionay Dios so dalin a manesepsep na oran a naynay ya ompepelag, tan patutuboen to ray tantanaman a pinabangan na saray intaneman.

Isaias 54:9

“Nen panaon nen Noe insipan ko ya ag ko la delapen so intiron mundo. Isipan ko natan ya ag ak la mampasnuk ed sika; ag ta ka la pampasnukan odino dusaen.

Deuteronomio 32:2

Napelag a singa oran so bangat ko tan magmaliw a singa linaew ed dalin. Saray salitak ompelag a singa mayamaya ed saray malangwer a tanaman, singa makalkalnan oran ya ompelag ed malambut iran dika.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Isaias 40:8

On, nalaylay iray dika tan onkupas iray rosas, balet mansiansiad ando lan ando so salita na Dios tayo.”

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Jeremias 23:20

tan ag ontonda ya anggad nasumpal toy labay ton gawaen. Diad saray agew ya onsabi natalutalusan ya na saray totoo to.”

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Amos 6:11

No mangganggan lay Katawan, nagaygaygay iray kaabungan, ankabaleg may ankelag ira.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.

Jeremias 1:11

Tinepet na Katawan ed siak, “Jeremias, antoy nanenengneng mo?” Inmebat ak, “Sakey a sangay kiew ya almindra.”

Jeremias 1:12

Inkuan na Katawan ed siak, “Tua tay imbagam, tan mambabantay ak, pian naimatunan koy pakasumpal na saray sinalitak.”

Jeremias 1:13

Akisalita lamet ed siak so Katawan. Tinepet to, “Anto niy nanenengneng mo?” Inmebat ak, “Nanenengneng kod baybay so sakey a bangan manlelwag so karga to. Ngalngali la onlepwad abalaten so karga to.”

Jeremias 25:13

Dusaen ko man a bansa na saray deral ya iyakar kod saray bansa nen akitongtong ak diad panamegley nen Jeremias—amin da ray deral a nisulat ed sayan libro.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”