Isaias 54:2 - Maung A Balita Biblia

² Pabaleg moy tuldan panaayaman mo; parokey moy singer to tan paletan mo ray palpal to!

Maung a Balita Biblia

² Pabaleg moy tuldan panaayaman mo; parokey moy singer to tan paletan mo ray palpal to!

Isaias 54:2 Referans Kwoze

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

Exodo 39:40

saray kurtina na pinagkaalar a pati saray lusek to tan saray dapan to; say kurtina na lolooban na pinagkaalar tan saray lobir to; saray palpal na Tulda; amin a kagawaan ya ikana ed dalem na Tulda;

Jeremias 10:20

Aderal-deral iray tulda mi; apolpoltut iray lobir ya impangitaker ed sikara. Tinaynan kami na saray anak mi; naandi la ran amin ed arap mi. Anggapoy atilak a mangipaalagey lamet ed saray tulda mi; anggapoy mangipeket na saray kurtina ra.”

Exodo 35:18

saray palpal tan saray lobir na Tulda tan say pinagkaalar to;

Genesis 26:22

Tinmaynan diman tan nankotkot lamet na sananey a bobun. Anggapoy kolkolan ed saya, kanyan inngaran toy “Kawayangan.” Inkuanto, “Natan onaligwas itayo dia, ta dia so angiteray Katawan ed sikatayo na kawayangan.”

Isaias 26:15

Katawan, sika so amabolaslas ed bansa mi; pinabaleg moy nasasakopan ton dalin ed inerman a dapag; et angiter ya ed sikay kagalangan.

Mikias 7:11

Sikayo ran totood Jerusalem, onsasabi lay panaon na pangipaalagey lamet ed saray padir na siudad. Diad satan iran agew onawang so dalin yo.