Isaias 54:14 - Maung A Balita Biblia

¹⁴ Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Maung a Balita Biblia

¹⁴ Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Isaias 54:14 Referans Kwoze

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Zacarias 9:8

Guardiaan koy dalin ko tan ag ko padalanen ed dalin ko iray sondalo. Ag ko la abuloyan a pairapen na saray maruksan totoo iray totook. Anengneng ko so ontan lan impanirap na saray totook.”

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

2 Pedro 3:13

Balet onung ed sipay Dios, manalagar itayoy balon katawenan tan balon dalin a panayamay katonungan.

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 1:27

Lapud matonung so Katawan, iyagel toy Jerusalem tan amin da ray wadman a magbabawi.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Isaias 14:4

No gawaen ya na Katawan, nepeg dan ludlureyen so ari na Babilonia tan ikuanda: “Atalo la so maruksan ari! Ag to lan balut mampairap na siopaman!

Isaias 16:4

Panayam yo kami pa lad dalin yo. Iyagel yo kamid saray malabay a manderal ed sikami.” (Mangangga so panagpairap tan panagderal, et naandi ray mandederal na bansa.

Isaias 26:2

Lokasan iray puirta na siudad tan palooben so matoor a bansa, say bansa a matonung so gagawaen da ray totoo to.

Isaias 33:18

Magmaliw a singa labat sakey a nununoten ira may gendat a takot yod saray sangkailin sumisingil na buis tan saray ispiya.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Isaias 62:1

Mansalita ak a pamabiskeg kod linawa na Jerusalem; Ag ak mampainawa ya anggad sikatoy nilaban, Tan onsinag a singa baleg a silew ed labi so pananalo to.

Jeremias 30:20

Ipawil kod gendat a pakayari so bansa ra, tan iletneg kon malmalet lamet; dusaen kon amin iray mamapairap ed sikara.

Probirbio 3:24

Ag ka ontakot no onla ka lad dokulan mo, tan masamsamit so ogip mon sanlabi.

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Oseas 10:12

Inkuanko, ‘Mambaka kayo na balon dalin a para sikayo, mantanem kayoy katonungan, tan manani kayo na saray bindision a bunga na panangaro yod siak. Panaon la na ipawil yod siak a Katawan yo, et ondago ak a mangikalbod sikayo na saray bindision.’