Isaias 53:4 - Maung A Balita Biblia

⁴ “Balet intepel toy kairapan a nepeg tayo komun a nanirapan, say sulit a nepeg tayo komun a nilikna. Ingen say abaloan tayo samay kairapan to et dusan inter na Dios ed sikato.

Maung a Balita Biblia

⁴ Balet intepel toy kairapan a nepeg tayo komun a nanirapan, say sulit a nepeg tayo komun a nilikna. Ingen say abaloan tayo samay kairapan to et dusan inter na Dios ed sikato.

Isaias 53:4 Referans Kwoze

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Mateo 8:17

Ginawa to ya, pian nasumpal so imbaga nen propita Isaias, “Sikaton diliy nansakbat na saray kakapoyan tayo, tan inekal to ray sakisakit tayo.”

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

1 Juan 2:2

Si Cristo et nibagat a pakapaandian na saray kasalanan tayo, tan aliwa lambengat a saray kasalanan tayo, no ag ingen pati saray kasalanan na sankamundoan.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

Juan 19:7

Inmebat iray Judio, “Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.”

Saray Salmo 69:26

Papairapen da ray dinudusam; sasalitaen da ray irirap da ray sinusugatan mo.

Mateo 26:37

Intagar to ra balet di Pedro tan saray duaran anak nen Zebedeo. Insan agunigon a maung tan apagaan

Saray Taga Roma 4:25

Pinatey si Jesus lapud saray kasalanan tayo, tan pinaolid bilay pian napaandi ray kasalanan tayod arap na Dios.

Levitico 16:10

Say kanding ya apilin para Azazel iyapay ton mabilay ed Katawan tan ibolus tod kalawakan diad Azazel, pian naekal iray kasalanan na katoowan.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Saray Salmo 69:8

Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Saray Salmo 69:27

Ilistam pa ray amin a kasalanan da; ag mo pa ra pinanabangen ed panangilaban mo.