Isaias 52:3 - Maung A Balita Biblia

³ Say Katawan a Dios kuantod saray totoo to, “Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.

Maung a Balita Biblia

³ Say Katawan a Dios kuantod saray totoo to, Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.

Isaias 52:3 Referans Kwoze

Isaias 45:13

Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya.” Say Katawan a Makapanyarin-amin so nansalita.

1 Pedro 1:18

Amta yo no antoy impanondon ed sikayo ed andi-kakanaan a kabibilay a tinawir yod saray lalaki yo. Say impanondon ed sikayo et aliwan bengatlan naderal, a singa say balituk, o pilak,

Saray Salmo 44:12

Mamurmuray impangilakom ed saray dilin totoom, a singa anggapoy kablian da.

Jeremias 15:13

Inkuan na Katawan ed siak, “Mangibaki ak na saray kalaban a mangibatik ed saray kayamanan tan pinablin kayaryan na saray totook, pian nadusak ira lapud saray ginagawa ran kasalanan ed intiron dalin.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 1:27

Lapud matonung so Katawan, iyagel toy Jerusalem tan amin da ray wadman a magbabawi.

Isaias 62:12

Natawag kayo na “Saray Masanton Totoo Na Dios,” “Saray Totoon Inlaban na Katawan.” Say Jerusalem natawag na “Say Siudad Ya Inaro Na Dios,” “Say Siudad Ya Ag Pinaolyan Na Dios.”

Isaias 63:4

Ginetmak a sinmabi lay panaon na pangilaban kod saray totook; panaon la a panusa ed saray kalaban da.

Ezekiel 16:31

Diad amin a dalan nanggagawa ka na saray pasen a panangigalangan ed saray talintaoy diriyos tan piaakdulan mod saray arum a lalaki. Balet aliwan kuartay gagalam a singa biin marotak a nayarin egnaay karaklan.

Ezekiel 34:27

Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.

Levitico 25:54

No ag narondon ed sayan polaing, sikato tan saray anak to et nibolus ed arapen a Taon na Panangipawil.

Saray Salmo 44:13

Sankanengneng na saray kakaabay mi so ginawam ed sikami, kanyan eelek-elekan tan luludlureyen da kami.