Isaias 51:9 - Maung A Balita Biblia

⁹ Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Maung a Balita Biblia

⁹ Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Isaias 51:9 Referans Kwoze

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Saray Salmo 89:10

Binibingkas mon singa bangkay so dragon a Rahab; lapud biskeg na pakayarim tinalom iray kalaban mo.

Isaias 30:7

Andikakanaan a tulong so iter na Egipto. Lapud saya pinangaranan koy Egipto na ‘Say Maamon Dragon.’”

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Saray Salmo 44:1

O Dios, nadngel na saray dilin layag mi— imbagad sikami na saray lalaki mi, iray makapakelaw a ginagawam nen panaon da, diad saraman ya agew;

Say Libro nen Job 26:12

Lapud pakayari to tinalo to so dayat, lapud karunongan to pinatey toy dragon a Rahab.

Saray Salmo 7:6

Alagey ka lapud pasnuk mo, O Katawan! Talindeg ka sumpad sebeg da ray kalaban ko; bangon ka pa tan tulongan mo ak! Katonungan so labay mon nagawa,

Habacuc 3:13

Pinmaway kan mangilaban ed saray totoom, tan mangiliktar ed pinilim ya ari. Kinabil moy pangulo da ray totoon maoges tan sigput mon dineral iray totoo to.

Isaias 62:8

Say Katawan sinambaan ton insipan, Tan lapud pakayari to sumpalen to yan sipan to: “Ag la magmaliw a tagano na saray kalaban yo iray bungay tanaman yo, Tan ag la inomen na saray sangkaili so alak yo.

Saray Salmo 93:1

Ari so Katawan. Akawesan na kagalangan tan abalkesan na biskeg. Niletneg a malmalet so mundo kanyan ag balut nagiing.

Saray Salmo 87:4

“No ilistak iray bansan ontotoluk ed siak, ipilak so Egipto tan say Babilonia; ipibiang ko a kabyangan na saray totood Jerusalem iray taga Filistia, Tiro, tan Etiopia.”

Saray Salmo 44:23

Liing ka pa, Katawan! Akin et naogip ka? Bangon ka pa. Ag mo kami pa ipopolisay ya anggad angga!

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Puyan 11:17

tan inkuanda: “Katawan a Dios a Makapanyarin-amin, Dios natan tan nen saman! Misasalamat kamid sika ta inkanam so baleg a pakayarim, tan ginapwan mo lay manoley!

Lucas 1:51

Impakana toy biskeg da ray taklay to, binuybuyak to ray mapaatagey tan saray getma ra.

Habacuc 2:19

Pakaskasi kayo la! Ikuan yod sakey a poter na kiew, “Bangon ka!” odino diad sakey a tabas na bato, “Alagey ka!” Wala tay nipuyan ed sikayo na sakey a talintao? Nayarin naokupan na pilak tan balituk yan talintao, balet anggapoy bilay to.

Isaias 53:1

Onebat iray totoo, “Siopa kasiy anisia ed ibabalita mi natan? Siopa kasiy akabirbir ed pakapanyari na Katawan ed sayan agawa?

Isaias 51:5

Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Saray Salmo 78:65

Diad kaonuran, say Katawan binmangon a singa aliing ed ogip to; singa toon mabiskeg a maniingal lapud abuek.

Saray Salmo 21:13

Idayew mi ka, Katawan, lapud ontan lan biskeg mo! Ikanta tan idayew miy pakayarim.

Saray Huis 6:13

Inkuanen Gedeon ed sikato, “No walad sikamiy Katawan, akin sirin et onyay agawad sikami? Onung na tinongtong na saray atateng mi, say Katawan impaway to rad Egipto. Akin et anggapo lay singa onman a gawaen natan na Katawan? Inkaindan to kami la tan pinaolyan to kamin ooleyan na saray Madianita.”

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Juan 12:38

Asumpal sirin so sinalita nen propita Isaias nen kuanto: “Katawan, siopay anisiad saray imbaga mi? Siopay angipatnagay Katawan na pakayari to?”

Saray Salmo 59:4

odino lapud kabandayan a ginawak, O Katawan, so panggaganat dan onlad saray pasen da.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Say Libro nen Job 9:13

Ag napakepa so pasnuk na Dios. Pinapatey to ray kalaban to a tinmulong ed Rahab, Say dragon na dayat ya onsusumpad sikato.

Saray Salmo 77:5

Nanununotan ko ray agew a linmabas tan natatandaan ko ray taon nen saman.

Isaias 52:10

Ikana na Katawan so masanton pakayari to; ilaban to ray totoo to, tan nanengneng ya na sankamundoan.

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.

Zacarias 10:11

No ondalan irad dayat na gunigon da, siak a Katawan et pareenen ko ray daluyon, tan naekatan iray kaaralman na Ilog na Nilo. Napaabeba so mapaatagey ya Asiria, tan naekalay pakayari so makapanyarin Egipto.

Saray Salmo 44:2

say impamagit mod saray pagano, tan say impangisoblay mod saray totoon manayam ed dalin da; say impanusam ed saray totoon taga arum a bansa, tan say impamaaligwas mod saray dilin totoom.

Saray Salmo 44:24

Akin et iyaamutan mo kami? Ag mo lilingwanan so paniirap tan kagugunigon mi!

Saray Salmo 89:11

Kayaryan moy tawen tan say dalin; pinalsam so mundo tan amin a logan to.

Mikias 7:15

Manggawa ka pa na saray milagro ed sikami a singa samay ginawam diad saramay agew ya impaway mo kamid Egipto.

Saray Gawgawa 7:7

Balet dusaen ko ray totoon mangaripen ed sikara; ontaynan irad saman a bansa, tan mangigalang irad siak diad sayan pasen.’