Isaias 51:5 - Maung A Balita Biblia

⁵ Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Maung a Balita Biblia

⁵ Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Isaias 51:5 Referans Kwoze

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Saray Taga Roma 2:16

Onung ed Maung a Balitan ipupulong ko, onyay nagawa no onsabiy Agew sano: say Dios, diad panamegley nen Jesu-Cristo, sintinsiaan toy amin a maamut a kanunotan da ray katoowan.

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Joel 3:12

“Saray bansa et nepeg a mamparaan ira, ta ondago ra ed Patar na Sintinsia. Siak, a Katawan, et onirung ak diman a manintinsia ed amin a kaliber-liber a bansa.

Isaias 63:5

Mankelaw ak nen ninmengneng ak tan anengneng kon anggapoy ontulong ed siak. Balet pinabiskeg ak na pasnuk ko tan siak a diliy analo.

Isaias 56:1

Say Katawan kuantod saray totoo to, “Gawa yo so katonungan tan kaptekan, ta ag mabayag ilaban ta kayo.

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 40:10

Onsasabi so Katawan a Dios a makapanyarin manoley, onsasabin kaiba to ray totoon inyagel to.

Saray Salmo 98:9

ta onsasabi so Katawan a manoley ed sankamundoan. Matonung tan maptek so panoley tod amin a katoowan ed mundo.

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Saray Salmo 67:4

Manggayaga komun iray bansa tan mankanta ra lapud liket, ta matonung so panisintinsiam ed saray katoowan tan iwawanwan mo ray amin a bansa diad tapew na dalin.

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

Deuteronomio 30:14

Andi, wadyad kawalaan yo so ganggan. Amta yo tan nayarian yon ibitla, kanyan natan onur yo.

Saray Salmo 110:6

Sintinsiaan to ray bansa, tan panoen to na saray bangkay so alug a panagbakalan, taloen to ray arari ed intiron mundo.

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 24:15

tan saray walad Bokig idayew da. Saray totoon manaayam ed gilig na dayat et idayew day Katawan a Dios na Israel.

Isaias 26:4

Ando lan andon manmatalek kayo ed Katawan, iyagel to itayo lawas.

Isaias 33:2

Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Isaias 59:16

Mankelaw ed impakanengneng to ya anggapoy ontulong ed saray napapairap. Kanyan ipakana toy dilin pakayari to ed pangyagel tod sikara tan say panalo to.

Isaias 62:11

A say Katawan ibabawag tod intiron mundo: “Ibaga yod saray totood Jerusalem A say Katawan onsasabin mangilaban ed sikayo, Kaiba to ray totoon inyagel to.”