Isaias 51:19 - Maung A Balita Biblia

¹⁹ Duaran deral so dinmalan ed sika: dineral na bakal so dalin mo tan naerasan iray totoom. Anggapoy siopaman a mangabagey ed sika.

Maung a Balita Biblia

¹⁹ Duaran deral so dinmalan ed sika: dineral na bakal so dalin mo tan naerasan iray totoom. Anggapoy siopaman a mangabagey ed sika.

Isaias 51:19 Referans Kwoze

Amos 7:2

Anengneng kon inaakan na saray dorun iray amin a dikan tinmutubo ed dalin. Insan inkuanko, “Katawan a Dios, pirdonam pa ray totoom! Panoy kilaban da? Makapoy tan daiset ira!”

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

2 CORINTO 7:13

Sikato yay makasengeg no akin et aligliwa kami. Ag kami met labat aligliwa, no ag ingen apaliket kami ni lapud impamaliket yod kinen Tito.

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Saray Tagleey 1:12

“Nengneng yo ak,” eyag na siudad ed balang ondadalan. “Anggapoy singa siak diad panliliknak na kairapan, Say kairapan ya impalikna na Katawan ed siak nen ampetang so olo to.

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Isaias 61:2

Imbaki to ak a mangibawag A say panaon sinmabi la A say Katawan ilaban to ray totoo to Tan taloen to ray kalaban to. Imbaki to ak a manligliwad amin a maermen,

Isaias 22:4

Paolyan yo ak a mambukbukor ya akisan koy ampaipait iray totook ya inaatey. Ag yo ak liligliwaen.

Isaias 14:30

Say Katawan magmaliw a sakey a pumapastol ed saray mairap-bilay a totoo to tan pambilayen to ran arawid kaatapan. Balet mangipadalan na eras ed sikayon Filistio tan anggapoy ikera ton mabilay ed sikayo.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Saray Salmo 69:20

Mapalaloy kaermenan ko lapud panagpabaing dad siak, tan nanaandian ak na ilalo. Nananap ak na mangasid siak, balet anggapo; nananap ak na manligliwad siak, balet anggapo.

Say Libro nen Job 42:11

Amin ya agagi nen Job a lalaki tan bibii tan saray gendat a kakaaro to binisita ra tan akiliket irad sikato ed abung to. Impanengneng day pidadamay da tan nililigliwa ra ed saray gunigon tan kairapan ya inter na Katawan ed sikato. Angiter so balang sakey ed sikara na kuarta tan sakey a balituk a singsing.

Say Libro nen Job 2:11

Say paniirap nen Job abalitaan na saray taloran kakaaro to a di Elifaz a taga Teman, Bildad a taga Sua, tan Zofar a taga Naaman. Nampapakna ran talo a bisitaen day Job, ta ligliwaen da.

Isaias 8:21

Saray totoo et nakalan iray ilalo tan narasan iran manakar-akar ed intiron dalin. Diad eras tan pasnuk da, ayewen day ari ra tan say Dios da. Nayarin ontangay irad tawen

Isaias 9:20

Diad intiron bansa saray totoo alaen tan kanen day antokaman a naakan da, balet ag iran balut napesel. Kanen day anggan saray dilin anak da!

Isaias 54:11

Say Katawan kuanto, “O Jerusalem, sika a maniirap tan kaskasian a siudad, tan anggapoy manligliwad sika, saray mabmablin bato so ikanak ed pamaalagey ko lamet na saray pundasion mo.

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Jeremias 15:5

Say Katawan kuanto, “Siopay mangasid sikayo, totood Jerusalem, tan siopay manermen ed sikayo? Siopay mambayag ya onsamar a manepet no antoy kipapasen yo?

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Nahum 3:7

Arawian ka na amin a makanengneng ed sika. Ikuanda, ‘Aderal-deral so Ninive. Siopay mangakasi ed sikato? Siopay malabay a manligliwad sikato?’”

Saray Tagleey 3:47

Dinalan kami la na deral tan desyang; mambibilay kamin walad kaatapan tan takot.

Ezekiel 14:15

“Nayarin mangibaki ak na saray ayayep ed katakelan a mamatey ed saray totoo, tan pagmaliwen dan maatap so dalin, kanyan anggapoy manakar-akar a too;