Isaias 51:15 - Maung A Balita Biblia

¹⁵ “Siak so Katawan a Dios yo; kikimbogen koy dayat tan panuungolen ko ray daluyon to. Yahweh a Makapanyarin-amin so ngaran ko!

Maung a Balita Biblia

¹⁵ Siak so Katawan a Dios yo; kikimbogen koy dayat tan panuungolen ko ray daluyon to. Yahweh a Makapanyarin-amin so ngaran ko!

Isaias 51:15 Referans Kwoze

Jeremias 31:35

Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Isaias 51:10

Sika met so amaekat ed dayat tan nanggawa kay dalan a binmeltang ed dayat, pian makadalan ira may iyaagel mo.

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.

Saray Salmo 136:13

Binelsay toy Dayat ya Ambalanga; andi-anggaan so panangaro to.

Saray Salmo 74:13

Binelsay moy dayat lapud ontan lan pakayarim, tan binebetag moy kaolowan da ray dragon ed dayat;

Isaias 48:2

Anggaman ontan ikikinon yon ibaga a mibabaley kayod masanton siudad tan manmamatalek kayod Dios na Israel, a say ngaran to et Yahweh a Makapanyarin-amin.

Say Libro nen Job 26:12

Lapud pakayari to tinalo to so dayat, lapud karunongan to pinatey toy dragon a Rahab.

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Levitico 11:44

Siak so Katawan a Dios yo, kanyan nepeg a masanto kayo ta siak et masanto ak.

Saray Salmo 107:25

Nangganggan, et sinmiplug so mabiskeg a dagem, ya amadaluyon na ankakabaleg.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Jeremias 51:5

Siak, say Katawan a Dios a Makapanyarin-amin, ag ko inkaindan so Israel tan Juda, anggaman a nankasalanan irad siak a Masanto na bansan Israel.