Isaias 50:7 - Maung A Balita Biblia

⁷ Balet ag ak nasakitan na saray panamabaing da lapud tutulongan ak na Katawan a Dios. Pinakapal koy lupak pian nitepel ko ra. Amtak ya ag ak napelag ed kababaingan,

Maung a Balita Biblia

⁷ Balet ag ak nasakitan na saray panamabaing da lapud tutulongan ak na Katawan a Dios. Pinakapal koy lupak pian nitepel ko ra. Amtak ya ag ak napelag ed kababaingan.

Isaias 50:7 Referans Kwoze

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Saray Taga Roma 1:16

Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

1 Pedro 4:16

Balet no manirap kayo lapud sakey kin Cristiano, ag yo nepeg ya ibaing; igalang yo ingen so Dios diad ngaran nen Cristo.

Lucas 9:51

Nen asingger lay panaon a kiatagey nen Jesus ed tawen, ginetma toy onlan onla ed Jerusalem.

1 Pedro 4:1

Lapud nanirap ed laman si Cristo, nepeg a sipaparaan ki met a manirap a singa sikato. Ta say maniirap ed laman ibebeneg to lay kasalanan.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 50:9

Say dilin Katawan a Dios so mangyaagel ed siak— siopa sirin so makapaneknek a siak so nankasalanan? Naandipat ya amin iray mangaakusad siak; naandipat iran singa abel ya inoput na taboney.

Jeremias 1:18

Dengel ka, Jeremias! Onsumpad sika so balang sakey a too ed sayan dalin—saray arari ed Juda, saray opisyal, saray papari, tan saray totoo. Balet natan iitdan ta kay biskeg, pian nasumlang mo ra; magmaliw kan singa siudad ya aliber na padir, singa balatyang a lusek, tan singa gansan padir. Ag da ka natalo, ta wala ak ed sika a mangyagel ed sika. Siak, say Katawan, so nansalita.”

Saray Salmo 110:1

Say Katawan inkuantod katawan ko ya ari, “Yorung ka ed nikawanan ko anggad napasukok ed sika iray kalaban mo.”

Isaias 29:22

Kanyan natan say Katawan a Dios na Israel, ya angyagel ed kinen Abraham nen walad gunigon, kuanto, “Sikayo ran totook, ag kayo la napelag ed kababainngan, ag kayo la mampabalangay lupa.

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Mikias 1:2

Dengel yo ya, amin yon bansa; dengel yo ya, amin yon manaayam ed tapew na dalin! Mantasi so Katawan a Dios sumpad sikayo. Dengel kayo! Mansasalita a manlapud mangatatawen a timplo to.

Saray Salmo 54:6

Katawan, sililiket ak a mangibagat ed sika; pisalamatan ta ka lapud kamaungan mo.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”