Isaias 50:4 - Maung A Balita Biblia

⁴ Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Maung a Balita Biblia

⁴ Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Isaias 50:4 Referans Kwoze

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Jeremias 1:9

Insan inyonat na Katawan so taklay to, diniwit to ray bibil ko, insan kuantod siak, “Nia, iter kod sika ray nepeg mon salitaen.

Probirbio 25:11

Say kanunotan a marakep so inkibalikas to et singa akortin balituk ya impatoon ed pilak.

Probirbio 15:23

Agaylay gayaga na pakalmo na dugan salita para dugan okasyon!

Saray Salmo 119:147

Palbangon ni, ontatawag ak lan patulongan ed sika; maniilalo ak ed sipan mo.

Saray Salmo 143:8

Ipanunot mo pad siak kapag kabwasan so ag mangoman a panangarom, ta manmamatalek ak ed sika. Itorom pad siak so dalan a nepeg kon laen, ta mikakasi ak ed sika.

Saray Salmo 5:3

dedengelen moy bosis ko no kabwasan; mikakasi ak ed sika no ompapaway lay agew, tan mantatalaran ak ed ebat mo.

Lucas 4:22

Indayew na amin a totoo, tan mankelaw irad saray mararakep a salita to. “Aliwa tan sikato ya may anak nen Jose?” tepet da.

Mateo 13:54

tan pinmawil ed dilin baley to. Nambangat ed sinagoga ra tan mankelaw iran amiy akadngel ed sikato. Inkuanda, “Iner so angalaan toy ontan lan kakabatan? Panoy pakagagawa to ray milagro?

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 22:46

Anggapoy anggan sakey ya akaebat ed kinen Jesus. Kanyan nanlapud saman ya agew, anggapo lay makakpel a mantepet ed sikato.

Juan 7:46

Inmebat ira may guardia, “Anggapo niy toon nansalita a singa panagsalita to man a too!”

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

Saray Salmo 88:13

Balet siak, Katawan, onkekerew ak ed sika na tulong; kapag kabwasan mampipikasi ak ed sika.

Probirbio 12:25

Say kapagaan napaandi toy liket mo, balet saray marakep a salita paliketen da ka.

Isaias 8:16

Sikayo ran disipulok, nepeg a bantayan tan pansiansiaen yo ray salitan inter na Dios ed siak.

Isaias 28:9

Manririklamo ra nipaakar ed siak. Kuanda, “Siopa ray abaloan na satan a too a babangatan to? Siopa ray mankaukolan na saray ibabangat to? Onkana ra labat ed saray kapamakson ogogaw!

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Isaias 35:5

Diad satan, makanengneng iray bulag, tan makadngel iray telek.

Isaias 40:29

Pabibiskegen to ray makapoy tan saray naksawan.

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Isaias 54:13

“Siak a dili so mambangat ed saray totoom tan mangiter ed sikara na ontan lan aligwas na bilay.

Jeremias 31:25

Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Ezekiel 46:13

Say Katawan kuanto, “Kapag kabwasan say sakey a kordiron sakey taon ya anggapon balut so deral na laman to so nepeg ya isaklang a bagat a popoolan ed Katawan. Sayan bagat nepeg ya isaklang ya inagew-agew.

Deuteronomio 18:17

Kanyan say Katawan kuantod siak, ‘Maung so kekerewen da.

Deuteronomio 18:18

Mangibaki ak ed sikara na sakey a propita a singa sika a manlapud saray totoo ra; salitaen kod sikatoy ibaga to tan ibaga tod saray totoo iray amin ya iganggan ko.

Say Libro nen Job 4:4

Diad panamegley na saray salitam tinangguyor mon onalagey iray nipatumba, lapud kesaw tan kapoy na laman da.

Saray Salmo 40:7

kanyan inmebat ak, “Wadya ak; saray bilibilin mod siak et wala rad libro na Ganggan.