Isaias 5:8 - Maung A Balita Biblia

⁸ Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Maung a Balita Biblia

⁸ Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Isaias 5:8 Referans Kwoze

Mikias 2:2

No labay day kaalogan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

Ezekiel 11:15

Inkuanto, “Sika a toon ompatey, saray totood Jerusalem et mantotongtong ira na nipaakar ed sika tan saray kaparam a totoon nibantak ed arum a bansa. Ikukuanda, ‘Arawdawiy kawalaan na saray nibantak, kanyan ag da la nagalang so Katawan. Impakayaryan la na Katawan ed sikatayo yan dalin.’

Say Libro nen Job 15:28

Sikato yay toon anakep na saray siudad tan angalad saray abung ya imbabatkan na saray akankayarian, balet deralen na bakal ira man a siudad tan kaabungan.

Amos 1:13

Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Say Libro nen Job 20:21

No mangan anggapon balut so nakeraan, balet natan mansamput la so aligwas to.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Habacuc 2:6

Saray adakep a totoo elekan da ray anakep ed sikara tan ipanengneng day pambosul dad sikara. Ikuanda, “Aalaen yoy ag yo kayaryan, balet pakaskasiy kipapasen yo! Kapigay pangangga na pampapayaman yo diad pamapasoot yon mambayar iray akautang ed sikayo?”