Isaias 5:26 - Maung A Balita Biblia

²⁶ Say Katawan sisinyasan to a tawagen so sakey a bansan walad bandad arawi. Ngingisiwan to ra pian ondago ran manlapud saray samput na mundo. Et natan nia la ra; masigsiglat tan mapanaspas ira.

Maung a Balita Biblia

²⁶ Say Katawan sisinyasan to a tawagen so sakey a bansan walad bandad arawi. Ngingisiwan to ra pian ondago ran manlapud saray samput na mundo. Et natan nia la ra; masigsiglat tan mapanaspas ira.

Isaias 5:26 Referans Kwoze

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.

Isaias 7:18

“No onsabi tan a panaon, say Katawan ngisiwan to ray sondalon Egipsio, et onsabi ran singa saray amayamay ya apangat a manlapud sanka-arawian a sangasangay Ilog na Nilo. Ngisiwan to met iray sondalon Asiria, et onsabi ran singa saray bayaung a manlapud dalin da.

Isaias 18:3

Dengel kayo, amin yon manaayam ed tapew na dalin. Nengneng yoy tandan bandiran nipaalagey ed saray toktok na palandey! Dengel yoy itanul na trumpita!

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Isaias 11:12

Say Katawan mangyatagey na tanda a mangipanengneng ed saray bansa a titiponen to lamet iray nikaykayat a totood Israel tan Juda, tan papapawilen to ran manlapud apatiran sokung na mundo.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Habacuc 1:8

“Maples nen saray liopardo iray kabayo ra, tan masebeg ira nen saray narasan ya asod katakelan. Onsasabin nanlapud arawin pasen iray kumakabayo ra; saray kabayo ra idepak-depak day dalin. Onsabi ran mapmaples ya ondogpan singa agilan manisibar na labay ton kanen.

Joel 2:7

Ondodogpa ran singa saray sondalon mibabakal; singa ra sondalon onkakalab ed padir. Itutuloy day onsusulong tan ag ira onaarawid dalan

Saray Tagleey 4:19

Maples nen say agila ed liwang iray onoosil ed sikami. Inosilan da kamid kapalandeyan; tinambangan da kamid kalawakan.

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Jeremias 5:15

Totood Israel, mangibaki so Katawan na sakey a bansan manlapud arawin pasen tan dogpaan to kayo. Mabiskeg tan abayag lan bansa, tan ag yo amta so salita ray totoo to.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Isaias 39:3

Insan linmay propita Isaias ed kinen Ari Ezekias tan tinepet to, “Iner so nanlapwan na sarayan totoo tan antoy kuandad sika?” Inmebat si Ezekias, “Nanlapu rad Babilonia ya arawdawin bansa.”

Isaias 30:16

Ingen, plano yon ibatikan iray kalaban yo diad ikabayo yod saray mabatik a kabayo. Kanyan say ibatik yo so pilalek yon gawaen. Abaloan yon mabatik la ray kabayo yo, balet mabatik ni ray kabayo na onosil ed sikayo!

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 13:2

Diad toktok na kinmelang a pokdul, ibitin yoy bandiran para bakal! Kolyaotan yo ray sondalo tan itagey yo ray taklay yon maninyas ed sikara ya ondogpa rad saray puirta na mapaatagey a siudad.

Saray Salmo 72:8

Manlapud dayat ya anggad dayat so sakop na nanarian to, manlapud Ilog na Eufrates ya anggad saray samput na dalin.

Saray Salmo 60:4

Pinasakbayan mo ray mangigagalang ed sika, pian napaliisan day deral.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 13:3

Tinawag na Katawan iray mapaatagey tan masebeg a sondalo to, ta milaban irad masanton bakal diad panusa rad saray pamapasnukan ton totoo.

Isaias 13:4

Dengel yoy ingal ed kapalandeyan—say ingal da ray amayamay a totoo, say ingal da ray mantitipon a bansa tan nanarian. Ipaparaan na Katawan na saray Sondalo iray sondalo ton mibakal.

Isaias 31:9

Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal.” Say Katawan so nansalita—say Katawan a nagagalang ed Jerusalem tan diman mandarlang so apoy to a pampopool ed saray bagat.

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel.” Say Katawan a Dios so nansalita.