Isaias 5:14 - Maung A Balita Biblia

¹⁴ Narasan na bangkay da so pasen a panaayaman da ray inaatey. Isasangi ton maung so songut to. Aakmunen to ray totoon atatagey so kipapasen da, a pati saray maingal a karaklan.

Maung a Balita Biblia

¹⁴ Narasan na bangkay da so pasen a panaayaman da ray inaatey. Isasangi ton maung so songut to. Aakmunen to ray totoon atatagey so kipapasen da, a pati saray maingal a karaklan.

Isaias 5:14 Referans Kwoze

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Habacuc 2:5

Makapalikdo so kayamanan. Mapaatagey tan ag mampapainawa iray totoon maagom—ag iran balut napepenek a singa say patey. Kanyan ag ira ontotondan manakep na saray bansa tan saray totoo, pian nagamuran day labalabay da.

Probirbio 30:16

say pasen a panaayaman da ray inaatey, say biin anggapoy anak to, say kinmelang a dalin a mankaukolan na oran, tan say pool ya ag la nasebseban.

Mateo 7:13

“Loob kayod mainget a puirta, ta maawang so puirta tan mainomay so dalan a mamaarap ed impirno, tan sikato yay dadalanen na amayamay a totoo.

Probirbio 27:20

Saray pilalek na too et ag iran balut napepenek a singa say pasen a panaayaman da ray inaatey.

Saray Salmo 55:15

Biglan ompatey komun iray kalaban ko; onla ra komun a mabilay ed pasen a panaayaman da ray inaatey! Say kaogsan walad kaabungan tan kapusoan da.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Isaias 14:9

“Sipaparaan lan mangawat ed ari na Babilonia so pasen a panaayaman da ray inaatey. Saray ispiritu na saray makapanyari ed mundo et ag ira makareen. Onaalagey a manlapud trono ra iray ispiritu na saray nanari ed mundo.

Lucas 17:27

Nen saman, nanaakan tan naniinom so balang sakey ed sikara, angaasawa tan akiaasawa ra. Onyay ginagawa ra ya anggad inloob nen Noe ed biong. Insan sinmabiy delap tan inaatey iran amin.

Isaias 21:4

Nanaelaw ak tan manggiwgiw ak ed takot ko. Nampilalekan kon onsabi lay kabwasan, balet lalon baleg a takot so inter tod siak.

Probirbio 1:12

Nayarin mabilabilay tan mabisbiskeg ira no narumog tayo ra, balet kasiput tayo naoyus lay bilay da!

Saray Salmo 49:14

nigetar iran ompatey a singa saray karniro, tan say Patey so magmaliw a pumapastol da. Taloen ira na saray totoon matonung leleg a naboboluk iray laman da ed panaayaman da ray inaatey ya arawi ed kaabungan da.

Daniel 5:30

Diad saman lamlamang a labi apatey si Belsasar ya ari na Babilonia;

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Isaias 14:11

Pinapagalangan da ka nen saman na togtog na saray arpa, balet natan wadya ka lad pasen a panaayaman da ray inaatey. Mandokdokul ka natan ed kawalaan da ray bigis tan kobutan da ka!’”

Isaias 24:8

tan tinmonda la ray maliket a togtog na saray arpa tan saray tamborin da.

Ezekiel 7:12

Onsasabi lay panaon na golo. Asingger lay agew ya anggapoy kabaliksan na panlako tan pansaliw, lapud nampaparan dusaen na Dios so balang sakey a too.