Isaias 49:5 - Maung A Balita Biblia

⁵ Kasakbayan na inkianak ko, tinoro ak la na Katawan; ginawa to ak ya aripen to a mamapawil ed saray totoo to, a mamapawil ed saray ataytayak a totood Israel. Say Katawan iitdan to ak na kagalangan; sikatoy panlalapwan na biskeg ko.

Maung a Balita Biblia

⁵ Kasakbayan na inkianak ko, tinoro ak la na Katawan; ginawa to ak ya aripen to a mamapawil ed saray totoo to, a mamapawil ed saray ataytayak a totood Israel. Say Katawan iitdan to ak na kagalangan; sikatoy panlalapwan na biskeg ko.

Isaias 49:5 Referans Kwoze

Juan 3:35

Inararoy Ama so Anak tan impalima tod sikatoy amin a bengatla.

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Saray Taga Roma 15:8

Ta ibabagak ed sikayo a nagmaliw a managlingkur si Cristo ed saray Judio, pian nipanengneng ton matoor so Dios, napatwa to ray sipay Dios ed saray lalaki ra,

Lucas 19:42

tan inkuanto, “No natalusan mo labat ed sayan agew no antoy makapangiter ed sikay kareenan! Balet natan niamut ed saray matam!

Mateo 23:37

“Jerusalem, O Jerusalem! Papateyen mo ray propita tan tutupaken mo ray totoon imbakiy Dios ed sika! Amimpiga-pigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Mateo 15:24

Inkuanen Jesus, “Nibaki ak labat ed saray karniron abalang na saray totood Israel.”

Mateo 11:27

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Isaias 56:8

Say Katawan a Dios ya angisempet ed saray totoo ton Israel manlapud saray bansan nibantakan da et insipan to a pikasakeyen to nid sikara iray arum a totoo.

Isaias 52:13

Say Katawan kuanto, “Maung so kasumpalay kimey na aripen ko; ontan lay kitanduro tan kigalang to.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 43:4

Ipatalok ya amin iray bansa pian nilaban koy bilay mo, lapud mabli kad siak tan lapud inaro ta ka tan itdan ta kay kagalangan.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 11:12

Say Katawan mangyatagey na tanda a mangipanengneng ed saray bansa a titiponen to lamet iray nikaykayat a totood Israel tan Juda, tan papapawilen to ran manlapud apatiran sokung na mundo.

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

TAGA GALACIA 1:15

Balet lapud baleg a panangaroy Dios, pinili to ak la kasakbayan na inkianak ko, tan tinawag to ak a magmaliw a kumikimey to.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 27:12

Diad satan ya agew, manlapud Eufrates ya anggad ketegan na Egipto, say Katawan tiponen ton sansakey iray totoo to, a singa say kibiig na ilik ed apa no iiliken.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Jeremias 1:5

“Kasakbayan ta kan initday bilay pinili ta ka la, tan kasakbayay inkianak mo, pinili ta kan magmaliw a propita ed saray bansa.”

Zacarias 6:13

Sikato so mangipaalagey ed Timplo tan awaten to so kagalangan na sakey ya ari tan oleyan to ray totoo to. Manalagey ed abay na trono to so sakey a pari tan mankimey iran dua a mareen tan maliket.’

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”