Isaias 49:15 - Maung A Balita Biblia

¹⁵ Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Maung a Balita Biblia

¹⁵ Kanyan say Katawan oneebat, Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Isaias 49:15 Referans Kwoze

Isaias 44:21

Say Katawan kuanto, “Tandaan mo ya, Israel; tandaan mo a sikay aripen ko. Pinalsa ta ka a magmaliw ya aripen ko, tan ag ta kan balut lingwanan.

Saray Salmo 103:13

No panoy panangasi na ama ed saray anak to, ontan met so pangakasiy Katawan ed saray mangigagalang ed sikato.

Mateo 7:11

No sikayo, anta maoges kayo, et amta yoy mangiter na pankaabigay anak yo, lalo la sirin a say Ama yon walad tawen et itdan to ray onkerew ed sikato na bengatlan pankaabigan da.

Oseas 11:1

Say Katawan kuanto, “Nen ogaw ni so Israel, inararok tan impaway kod Egipto a sakey ya anak kon laki.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Malakias 3:17

“Sikaray magmaliw a totook,” kuay Katawan a Makapanyarin-amin. “Diad agew a siak so onggalaw, sikaray magmaliw a petepeteg kon kayaryan. Kasian ko ra a singa pangakasi na ama ed anak ton laki a manlilingkur ed sikato.

Saray Tagleey 4:10

Makapataktakot so intaruk na desyang a sinmabi ed saray totook; inlalambung na saray maaron ina iray dilin anak da.

Saray Tagleey 4:3

Papasusoen na anggan inan asod katakelan iray anak da, balet singa saray abistrus ed kalawakan a maruksa rad sibong da iray totook.

Saray Taga Roma 1:31

Makulang-kulang ira, ag da amtay misipan, anggapoy panangaro tan panangasi rad kapara ran too.

Levitico 26:29

Mapalaloy kaerasan yo kanyan kanen yo lay anggan saray dilin anak yo.

Say Libro nen Job 24:20

Anggapo lay makanunot ed sikato, anggan say dilin ina to; oputen na bigis so laman to tan sigput a naderal a singa atumban kiew.

Saray Salmo 27:10

Nayarin ikaindan ak na amak tan inak, balet say Katawan so mangasikasod siak.

Saray Salmo 77:9

Alingwanan la na Dios kasi so mangasi? Ag la kasi mangasi lapud pasnuk to?”

Probirbio 31:2

“Sikay dilin pinablik ya anak, say ebat na saray pikakasik. Antoy ibagak ed sika?

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 49:14

Balet inkuan na saray totood Jerusalem, “Inkaindan itayo na Katawan! Alingwanan to tayo.”

1 Samuel 12:22

Sinambaan na Katawan ya ag to kayo ikaindan, ta ginetma to lan pagmaliwen kayo a totoo to.

Isaias 54:10

Nayarin nakusbo ray kapalandeyan tan saray kapokdulan, balet ag manganggay panangarok ed sika; Ando lan andon sumpalen koy sipan kon mangiter na kareenan.” Saya sirin so ibabaga na Katawan a mangaarod sika.

Jeremias 51:5

Siak, say Katawan a Dios a Makapanyarin-amin, ag ko inkaindan so Israel tan Juda, anggaman a nankasalanan irad siak a Masanto na bansan Israel.