Isaias 48:12 - Maung A Balita Biblia

¹² Say Katawan kuanto, “Dengel kad siak, Israel, saray totoon pinilik! Siak si Siak, say sankaonaan, tan say sankaonuran!

Maung a Balita Biblia

¹² Say Katawan kunato, Dengel kad siak, Israel, saray totoon pinilik! Siak si Siak, say sankaonaan, tan say sankaonuran!

Isaias 48:12 Referans Kwoze

Isaias 41:4

Siopay angyabuloy ya onyay nagawa? Siopay angigetar na amin ya agawgawa ed imbeneg? Siak a Katawan a wala la ed gapoy gapo, tan siak a Katawan so niwala ed kasamputan.

Puyan 22:13

Siak so Alpha tan say Omega, say sankaonaan tan say sanka-samputan, say gapo tan say samput.”

Puyan 1:8

“Siak so Alpha tan say Omega,” kuay Katawan a Dios a Makapanyarin-amin, say Dios natan, nen saman, tan say onsabi.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 43:11

“Bukbukor ko so Katawan, siak labat so makapangilaban ed sikayo.

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 46:3

“Dengel kayod siak, sikayon kabyangan na boleg nen Jacob, amin yon atilak a totook. Inasikaso ta kayo nanlapu lad inkianak yo.

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 2:8

“Isulat mod anghil na iglisia ed Esmirna: “Sikato yay ibabaga to may sankaonaan tan say sankasamputan, say inatey tan inmolid bilay.

Puyan 1:11

Inkuanto, “Isulat moy nanenengneng mo, tan ipawit mo ed saray pitoran iglisia a walad Efeso, Esmirna, Pergamo, Tiatira, Sardis, Filadelfia, tan Laodicea.”

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 CORINTO 1:24

Balet diad saray tinawag na Dios, Judio o Grigo man ira, si Cristo so pakayari tan kakabatan na Dios.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Saray Taga Roma 1:6

Kabyangan kayo met ed saray katoowan a tinawag na Dios, pian magmaliw iran mananombuk nen Jesu-Cristo.

Mateo 20:16

Insan kuanen Jesus, “Kanyan makaona ray nanaonur, tan naonur iray makakaona.”

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Isaias 51:4

“Dengel yo ak, sikayo ran totook, dengel yoy ibabagak: Iter koy bangat ko ed saray bansa; mangiter ed sikara na liwawa iray ganggan ko.

Isaias 51:1

Say Katawan kuanto, “Dengel yo ak, sikayon malabay a nilaban, sikayo ran onsisingger ed siak ya onkerew na tulong. Nunot yoy baton-dampay a nanlapwan yo, say panagtabasan na bato ya akatabasan ed sikayo.

Isaias 34:1

Gali dia, sikayon totood amin a bansa! Mantitipon kayo tan dengel kayo. Singger tan dengel kayo, amin yon manaayam ed intiron mundo.

Probirbio 8:32

“Dengel yo ak natan, sikayon tobun-balo. Manliket kayo no onuren yoy ibabagak.

Probirbio 7:24

Natan, sikayo ran anak, dengel yo ak. Imano yoy ibagak.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!

Isaias 43:10

“Totood Israel, sikayo ray tasik; pinili ta kayon aripen ko, pian nakabatan yo ak tan manisia kayo ed siak tan natalusan yo a Siak si Siak. Likud ed siak anggapo lay arum a dios nen saman, natan, tan anggan kapigan.

Isaias 46:4

Siak so Dios yo tan asikasoen ta kayo anggad ontakken kayo tan ompoti lay buek yo. Ginawa ta kayo tan asikasoen ta kayo; tulongan tan iyagel ta kayo.

Isaias 44:1

Say Katawan kuanto, “Dengel ka natan, Israel, ya aripen ko, saray totoon pinilik, saray kabyangay boleg nen Jacob.