Isaias 47:1 - Maung A Balita Biblia

¹ Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Maung a Balita Biblia

¹ Say Katawan kuanto, Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Isaias 47:1 Referans Kwoze

Jeremias 51:33

Ag mabayag, gapasen ira la na saray kalaban tan gatin-gatinan da ran singa ilik ed panagilikan. Siak, say Katawan a Makapanyarin-amin a Dios na Israel, so nansalita.”

Saray Salmo 137:8

Babilonia, naderal ka! Maliket so too ya ombawid sika lapud ginagawam ed sikami—

Jeremias 50:42

Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Jeremias 46:11

Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Isaias 3:26

Manermen tan manakis iray puirta na siudad, tan say dilin siudad magmaliw a singa biin labus-lakseb a manyodyorung ed dalin.

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Isaias 37:22

inkuan na Katawan, “Eelekan ka na siudad na Jerusalem, Senakerib, tan luludlureyen to ka.

Saray Salmo 18:27

Iyaagel mo ray totoon mauyamo, balet papaabebaen mo ray mapaatagey.

Puyan 18:7

No kaonungay impanpasirayew tan impankasalanan to na inmoralidad, ontan met so iter yon irap tan ermen ed sikato. Ta naynay ton ibagad sikaton dili: ‘Riyna ak, aliwan balo, a manyod-yorung dia! Ag kon balut nasagmak so ermen!’

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Ezekiel 26:16

Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.

Saray Tagleey 4:5

Ompapatey ed eras diad saray dalan iray totoon gendat a maung so kakanen da; manaanap ed basuraan na napambilay da iray totoon binmaleg ed inawa.

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Jeremias 13:18

Inkuan na Katawan ed siak, “Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.

Isaias 52:2

Pokpokan moy dabuk ed sikan dili, O Jerusalem! Bangon kad dabuk tan yorung kad tronom! Okbar yoy golunggolung ya akasinger ed sikayo, sikayon adakep a totood Sion!

Isaias 26:5

Pinaabeba to ray mapaatagey nen saman; dinederal toy mabiskeg a siudad a nanayaman da, tan inggegeba tod dabuk iray padir to.

Isaias 23:12

Siudad na Sidon, angangga lay liket mo tan napapairap la ray totoom. Anggan ombatik irad Chipre, siansian ag ni ra makaarawid kaatapan. (

Saray Salmo 89:44

Inekal mod sikatoy sitro na ari, tan imbalsak mod dalin so trono to.

Say Libro nen Job 2:13

Insan pitoy agew tan pitoy labin kaiba ran inmirung ed dalin; anggapoy imbaga ran balut, lapud anengneng dan ontan lan paniirap to.

Say Libro nen Job 2:8

Linmad abay na bantakay dotak, inmirung tan angalay langa ya impankakarkar tod saray giri to.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Jonas 3:6

Nen nadngelan na ari ed Ninive so nipaakar ed saya, inmepas a nanlapud trono to, nilakseb toy kawes to, nansolung na sako, tan nanirung ed dapul.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Jeremias 50:1

Sikato yay sinalita na Katawan ed siak nipaakar ed Babilonia tan saray totoo to:

Isaias 13:13

Diad agew a siak, say Katawan a Makapanyarin-amin, et ipanengneng koy pasnuk ko, yakayaken koy katawenan tan yegyegen koy mundo pian naekal ed pasen to.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 21:1

Sikato yay propisiya a nipaakar ed Babilonia. Say deral a manlalapud makapatak-takot a pasen et onsabin singa alimbusabos ya ombebeltang ed kalawakan.

Jeremias 51:1

Say Katawan kuanto, “Mangyakar ak ed Babilonia tan saray totoo to na managderal a dagem.

Jeremias 51:51

Kuanyo, ‘Naplag kamid kababaingan tan apabaingan kami; sigput ya apanbanday kami lapud saray taga arum a bansa et sinmalin irad saray masanton pasen ed Timplo.’