Isaias 46:7 - Maung A Balita Biblia

⁷ Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Maung a Balita Biblia

⁷ Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Isaias 46:7 Referans Kwoze

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Jeremias 10:5

Saratan a talintaoy diriyos et singa ra totoon panagabul na saray manok ed katrigowan; tan ag ira makasalita; nakaukolan a sakbaten ira ta ag ira makaakar. Ag kayo natatakot ed sikara: ag da kayo nayarin pasakitan, tan anggapoy niiter dad sikayon kaabigan.”

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Jonas 1:5

Ataktakot iray marinirod samay bapor, kanyan tinmawag na tulong ed nagsinagsin dios to so balang sakey ed sikara. Pian nalemewan ira imbabantak dad dayat iray karga ra. Legan to ya, linmad bandad dalem na bapor si Jonas, dinmokul, tan naogip na malmalet.

Daniel 3:1

Nampagawa si Ari Nabucodonosor na balituk a talintao, a duamplo tan walon mitro so kaatagey to tan ngalngali taloran mitro so kalapar to, insan to impaalagey ed patar na Dura diad luyag na Babilonia.

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

1 Samuel 5:3

Diad kabkabwasan na ontombuk ya agew anengneng na saray taga Asdod a say talintao nen Dagon et atumban tikleb diad arap na Kaban na Sipanan na Katawan. Impaalagey da sirin tan impawil dad pasen to.

Isaias 37:38

Aminsan ya agew, nen mangigagalang si Senakerib ed dalem na timplo na dios ton Nisroc, pinatey na duara ed saray anak ton lalaki a di Adramelec tan Sarezer, diad panamegley na ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

1 CORINTO 12:2

Amta yo a nen aliwa ki nin mananisia, tinmotombuk kayod saray ag makasalitan talintaoy diriyos a lawas angibabalang ed sikayo.

Isaias 40:20

Say toon ag to nayarian ya ikanay pilak o balituk lapud kairapay bilay to, et pilien to lay kiew ya ag naboluk. Manaanap na marunong ya iskotur a manggawa na talintaon ag natumba.

Isaias 41:7

Say karpintiro kuantod platiro, “Marakep itay ginawam!” Say iskotur a titiktikan toy mantilyo pian napino so talintaoy diriyos et pabibiskegen toy linawa na toon manotoop ed talintao. Ikuanda, ‘Marakep so inkapainang to’— insan da ipeket na pasak imay talintao.

Isaias 41:28

Nen nananap ak ed saray diriyos, anggapoy nibaga na anggan siopad sikara; anggapod sikaray makaebat ed saray tinepet ko.

Isaias 44:12

Say managpanday na talintaon mital et tonawen tod apoy so mital. Martilyoen to na mabiskeg a taklay to so mital pian nagawan sakey ya imahin. Diad pankimey to, naerasan, naapgaan, tan nakesawan.

Isaias 47:15

Onyay pasen da ray astrologon pangipapanonan mo nanlapu lad impanogaw mo. Taynanan da ka tan onla la rad labay dan laen, tan anggapod sikaray natilak a mangilaban ed sika.”

1 Saray Arari 18:29

Nanlalabir-labir tan naneeyag-eyag ira ya anggad onngangarem la; balet anggapoy ebat, anggapoy anggan narengel a tanul.

Isaias 41:29

Andi-kana ra yan amin a diriyos: anggapon balut so nagawaan da— makapoy tan anggapoy pakayari ira yan talintaoy diriyos.”

Jeremias 11:12

Diad satan saray totood Juda tan saray taga Jerusalem onla rad saray diriyos dan pangibabagatan da, tan onkerew iray tulong. Balet ag ira nilaban na saratan a diriyos no onsabi yan deral.