Isaias 45:16 - Maung A Balita Biblia

¹⁶ Nabaingan ya amin iray managgaway talintaoy diriyos; napelag iran amin ed kababaingan.

Maung a Balita Biblia

¹⁶ Nabaingan ya amin iray managgaway talintaoy diriyos; napelag iran amin ed kababaingan.

Isaias 45:16 Referans Kwoze

Isaias 44:11

Napaabeba ya amin iray mangigagalang ed talintaoy dios. Totoo labat iray manggagawa na talintaoy diriyos. Ondago ra komun a mantitipon tan salaysayen ira—nataktakot ira tan napelag irad kababaingan.

Isaias 44:9

Andi-kakanaan iray amin a manggagaway talintaoy diriyos, tan anggapoy kana iray pabpablien dan diriyos. Bulag tan anggapoy mata iray mangigagalang ed sarayan diriyos—tan napelag irad kababaingan.

Isaias 42:17

Amin da ray manmamatalek ed saray talintaoy diriyos ya ibabaga ran dios da iray imahin et napaabeba ra tan napelag irad kababaingan.”

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Isaias 41:19

Patuboen kod kalawakan iray sidro, akasia, mirto, tan saray oliba. Magmaliw a takel so dalin ya anggapoy tanaman, natuboan na saleng, sipris, tan olmo.

Saray Salmo 97:7

Napepelag ed kababaingan ya amin iray mangigagalang ed saray talintaoy diriyos; mandadakmomo ya amin iray diriyos ed Katawan.

Jeremias 48:13

Diad satan saray taga Moab ibaing day dios dan Camos a singa samay inkabaingan da ray Israelita ed Betel, sakey a dios a nanmatalkan da.