Isaias 45:13 - Maung A Balita Biblia

¹³ Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya.” Say Katawan a Makapanyarin-amin so nansalita.

Maung a Balita Biblia

¹³ Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya. Say Katawan a Makapanyarin-amin so nansalita.

Isaias 45:13 Referans Kwoze

Isaias 41:2

“Siopay angyakar na mananalod bakal a taga bokig tan panataloen to ya anggad iner so laen to? Siopay mangiiter ed sikatoy pananalo ed saray arari tan saray bansa? Wawasiwasen to ra na ispada to, et nikayat iran singa dabuk. Bubuyaken ira na saray pana to, et magmaliw iran singa osang ya itiktikyab na dagem.

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Isaias 41:25

“Nampili ak na toon manaayam ed bokig, manlapud baybay awiten kon ondogpa. Gagatin-gatinan to ray manoley ya aliling day pitek, sikatoy singa managgaway banga a manggatin-gatin ed pitek.

Isaias 13:17

Say Katawan kuanto, “Sosogsogan kon ondogpad Babilonia iray taga Medes. Anggapoy walad sikara so pilak tan anggapoy liket dad balituk.

Isaias 46:11

Tatawagen kon ondago so toon manlapud bokig; onsibar a singa sakey ya agila tan gawaen to so implanok. Nansalita ak, et tuan nagawa so sinalitak.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Isaias 42:6

“Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Saray Salmo 65:5

Eebatan mo kami diad panamegley na pangiiter mod sikamiy pananalo, tan ilalaban mo kami diad panggagawam na saray pakelaw. Saray katoowan ed intiron mundo tan nibaliw na maawang iran dayat et manmamatalek irad sika.

Esdras 1:3

Niwala komuy Dios ed sikayon amin a totoo to. Nepeg yoy onla ed Jerusalem na Juda, ta ipaalagey yo lamet so Timplo na Katawan, say Dios na Israel, say Dios a gagalangen ed Jerusalem.

Isaias 52:5

Natan say agawad sikayod Babilonia et singa samay agawa lad sikayo nen saman; aripen kayo, balet anggapoy antokaman ya imbayar. Saray manooley ed sikayo et mapaatagey tan malastug ira tan lawas dan ipapanengneng so ag da pangingalngalep ed siak.

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Isaias 14:17

Ag ta saya man so toon aneral ed saray siudad tan impagmaliw ton kalawakan so mundo? Ag ta sikato ya may toon ag balut angibolus ed saray adakep to odino amasempet ed sikara?”

Isaias 45:2

“Siak a diliy mangiparaan na dalan mo, pataren ko ray kapalandeyan tan saray kapokdulan. Igebak iray gansan puirta tan poteren ko ray balewet a balatyang.

Mikias 4:10

Yesyes tan ngesnges kayo, sikayon totood Jerusalem, a singa biin manaanak, ta nepeg a taynan yo natan so siudad tan manayam kayo ed maawang a kaumaan. Nepeg ya onla kayod Babilonia, balet iyagel to kayod man na Katawan ed saray kalaban yo.