Isaias 45:12 - Maung A Balita Biblia

¹² Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Maung a Balita Biblia

¹² Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Isaias 45:12 Referans Kwoze

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Nehemias 9:6

Insan saray totood Israel nampikasi ra na onya: “Sika, Katawan, sika labat so Katawan; pinalsam iray katawenan tan saray bitewen ed tawen. Pinalsam so dalin tan say dayat tan amin a logan da; initdan moy bilay iray amin a bengatla. Ondadakmomo tan mangigagalang ed sika iray mangatatawen a pakayari.

Genesis 2:1

Asumpal sirin ya apalsa so tawen tan dalin tan amin a logan da.

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Saray Hebreo 11:3

Lapud pananisia, natalusan tayon pinalsa na Dios so sankamundoan diad panamegley na salita to; kanyan saray nanengneng nanlapu rad ag nanengneng.

Isaias 40:28

Ag yo amta? Ag yo ni nadngelan? Say Katawan so andi-anggaan a Dios; pinalsa to so sankamundoan. Ag balut nakesawan odino napunaw. Anggapoy makatalus na kanunotan to.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Isaias 40:22

Ginawa na samay manyodyorung ed trono to diad tagey na mundo tan labas na tawen; singa kamelag na gilata so nengneng da ray totoo diad leksab. Impanat ton singa kortina so tawen, singa sakey a tuldan panayaman.

Isaias 40:12

Nasukat na siopaman so dayat ed panamegley na dakolap to odino say tawen diad panamegley na lima to? Nikarga na siopaman so dalin na mundo ed sakey a kupa odino naala so belat na saray palandey tan saray pokdul diad panamegley na simbangan?

Saray Salmo 102:25

abayag lan pinalsam so mundo, tan saray dilin limam so nanggawad katawenan.

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala la kasi so akadngel na singa onyan agawa?

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Say Libro nen Job 37:18

Nayarian mo ta a tulongan so Dios ed pangipanat toy tawen tan panggawa ton anawet a singa mital a pinasileng?

Saray Salmo 104:2

tan nilimbus moy sikan dili na liwawa. Inyaplag mon singa tulda iray katawenan,

Isaias 37:16

“O Makapanyarin-amin a Katawan a Dios na Israel, manyodyorung kad tagey da ray kirubin, bukor moy Dios a manooley ed amin a nanarian diad mundo. Pinalsam so tawen tan dalin.

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!