Isaias 45:11 - Maung A Balita Biblia

¹¹ Say Katawan a masanton Dios na Israel, a walad lima toy nagawad arapen, kuanto: “Anggapoy kanepegan mon manepet na nipaakar ed saray anak ko odino ibagam ed siak so nepeg kon gawaen!

Maung a Balita Biblia

¹¹ Say Katawan a masanton Dios na Israel, a walad lima toy nagawad arapen, kuanto: Anggapoy kanepegan mon manepet na nipaakar ed saray anak ko odino ibagam ed siak so nepeg kon gawaen!

Isaias 45:11 Referans Kwoze

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Marcos 11:24

Kanyan kuankod sikayo ya antokaman a kerewen yod pikakasi yo, manisia kayo ya andi-saew a naawat yo et niiter ya amin ed sikayo.

Ezekiel 36:37

Say Katawan a Dios kuanto, “Abuloyan ko lamet iray Israelita ya onkerew irad siak na tulong, tan parakelen koy bilang da a singa poluk na karniro.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 43:21

Sikaray totoon ginawak a para siak, mankanta ra na saray dayew ko!”

Josue 10:12

Diad samay agew ya impanalo na Katawan iray Israelita ed saray Amorreo, akisalitay Josue ed Katawan. Diad arap na saray Israelita inkuanto, “Agew, tonda kad petek na Gabaon; Bulan, tonda kad petek na Patar na Ayalon.”

Oseas 12:4

akibalsakan ed sakey ya anghil, et analo. Inmakis tan akikerew na bindision. Diad Betel linmay Dios ed laki tayon Jacob tan akisalitad sikato.

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Isaias 43:15

Siak so Katawan, say masanton Dios yo. Pinalsa ta ka, Israel, tan siak so arim.”

Isaias 43:7

Sikaray dilin totook, tan pinalsak ira a mangiter ed siak na kagalangan.”

Isaias 43:3

Ta siak so Katawan a Dios mo, say masanton Dios na Israel, a mangilalaban ed sika. Ipatalok so Egipto, Etiopia tan Seba pian narondon ka.

Genesis 32:26

Inkuanto may too, “Paonlam ak la, ta asingger lay kabwasan.” “Andi, no ag mo ak ni bindisionan,” ebat nen Jacob.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

Daniel 2:18

Imbaga tod sikaran onkerew ira na panangasi na Dios na tawen tan ipikasi rad sikato ya ipaliwawa tod sikara so mistirio, pian ag ira napipatey ed saray arum a sumisimbawa a walad Babilonia.

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Jeremias 3:19

Say Katawan kuanto, “Israel, nilabay ko ya awaten ta kan anak, tan itdan ta ka na makapaliket a dalin, say sankaabigan a dalin ed intiron mundo. Nilabay ko a tawagen mo ak na ama, tan ag mo ak la ikaindan.

Isaias 19:25

Bindisionan ira na Katawan a Makapanyarin-amin a kuanto, “Bindisionan ta ka Egipto, sika a took; Asiria, sika a pinalsak; tan Israel, sika a toon pinilik.”

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Saray Huis 16:23

Nantitipon a mansilibra iray arari na Filistia tan mangisaklang iray baleg a bagat ed dios dan Dagon. Nankanta ra, “Impatalo na dios mi so kalaban min Samson!”

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Isaias 45:10

Nitepel kasi na sakey a too ya ikuan ed saray atateng to, “Akin et onyay impanggawa yod siak?”

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 63:16

Sika so ama mi. Ag kami bibirbiren na saray lalaki min di Abraham tan Jacob, balet sika, Katawan, so ama mi; sika lawas so mangyaagel ed sikami.