Isaias 44:20 - Maung A Balita Biblia

²⁰ Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Maung a Balita Biblia

²⁰ Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Isaias 44:20 Referans Kwoze

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Oseas 12:1

Andi-kakanaan tan makaderal ya amin iray gagawaen da ray totood Israel manlapud kabwasan ya anggad labi. Mandakel so gagawaen dan panamalikdo tan panagduksa. Mipapaknaan irad Asiria tan mininigosio ra ed Egipto.”

Saray Salmo 102:9

Dapul so pambibilay ko, tan onlalauk so luak ed iinomen ko,

Say Libro nen Job 15:31

No sikatoy makulang-kulang a manmatalek ed kaogsan anggapoy arum a nangunggona to no ag say kaogsan.

2 Timoteo 2:13

No aliwa tayon matoor, sikato nin siansia so matoor, ta ag to nibori so sikaton dili.”

Saray Taga Roma 1:25

Ibebeneg day katwaan a nipaakar ed Dios tan sasalatan da na tila. Igagalang tan panlilingkuran day pinalsa, aliwan say Manamalsa a nepeg a galangen ed ando lan ando! Amen.

Oseas 4:12

Onkekerew ira na puyan a manlapud sakey a poter na kiew! Sasalitaen na sakey bastun so labay dan amtaen. Inkaindan da ak. Aliling day sakey a biin mikakaloguran, diad impanlilingkur da ed arum a diriyos.

Puyan 20:3

Insan to imbantak ed abut ya ag natokur, intalak toy puirta tan minarkaan to na timbri, pian samay dragon et ag to la napalikdo ray bansa ya anggad kasumpal na sanlibon taon. Kasumpal na sanliboy taon, sikatoy nepeg a papawayen a magano.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

2 Timoteo 3:13

Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

1 Timoteo 4:2

Sarayan bangat ya ikakayat na saray matitilan totoo a say konsinsia ra et inatey la, a singa apoolan na ampetapetang a balatyang.

Lucas 15:16

Labay to komun a tempeyey eras to na anggan say kupag a kakaney baboy, balet anggapoy mangiter ed sikato.

Habacuc 2:18

Antoy kana na sakey a talintaoy dios? Sakey labat a ginawa na sakey a too, et anggapoy nibaga tod sikayo no ag katilaan labat. Antoy kaabigan a niiter na talintao diad panmatalek ed sikato na nanggawad sikato? Say talintao et sakey labat a dios ya ag anggan makasalita.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Probirbio 15:14

Saray totoon ikakana ray olo ra labay day manaral, balet saray makulang-kulang maliket la ra, anggan anggapoy amta ra.

Say Libro nen Job 15:2

“Andi-kakanaan tan andi-kabaliksan iray salitam, Job

Saray Salmo 115:4

Saray diriyos da et balituk tan pilak, ginawa ra na limay totoo.

Saray Salmo 144:8

saray totoon tilay sasalitaen da, tan mantitila ra anggan sinambaan da a say katwaan so ibaga ra.

Saray Salmo 144:11

Iyagel mo ak pad saray maruksan kalaban ko, ilaban mo ak pad pakayari da ray totoon taga arum a bansa, saray anggapoy tua ed antokaman a sasalitaen da tan mantitila ra anggan sinambaan da a say katwaan so ibaga ra.

Isaias 47:10

“Anggapoy kapagaan mo ed panggagawam na kaogsan; abaloan mon anggapoy makanenengneng ed sika. Pinalikdo ka na kakabatan tan pakatalus mo, tan inkuanmod sikan dili, ‘Siak so Dios— anggapo lay arum a singa siak.’

Isaias 57:11

Say Katawan kuanto, “Siopa ra yan diriyos a mamapatakot ed sikayo, kanyan tilatilaan yo ak tan sigput yo ak lan lilingwanan? Tinondaan yo lay pangigagalang yod siak lapud abayag ak ya ag oneseesel?