Isaias 44:18 - Maung A Balita Biblia

¹⁸ Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Maung a Balita Biblia

¹⁸ Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Isaias 44:18 Referans Kwoze

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Juan 5:44

Panoy panisia yod siak anta aanapen yoy dayew a manlalapud too, aliwan say dayew a manlalapud saksakey a Dios?

Juan 8:43

Akin et ag yo natatalusay ibabagak? Lapud ag ki ondengel na salitak.

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Probirbio 28:5

Saray totoon maoges ag da amta so kabaliksan na inkatonung, balet saray mangigagalang ed Katawan sigput dan natatalusan.

Isaias 1:3

Amta na saray baka iray akankaryan ed sikara, tan amta na saray asno no iner so pamapakanan ed sikara na amo ra. Balet ag ak amta o natalusan na saray totook ya Israelita.”

Jeremias 10:14

Diad pakanengneng ed saraya, nabirbir na amin a totoo a makulang-kulang tan anggapoy pakatalus da; balang platiro naeekalay ilalo ed saray talintao to, ta tila-tilan diriyos iray gagawaen da; anggapoy bilay da.

Isaias 44:20

Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Saray Gawgawa 14:16

Nen saman, pinaolyan na Dios a manggaway labalabay da iray amin a totoo.

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

Saray Salmo 92:6

Say makulang-kulang ag to natalusan tan say ambagel ag to natebek

Isaias 44:9

Andi-kakanaan iray amin a manggagaway talintaoy diriyos, tan anggapoy kana iray pabpablien dan diriyos. Bulag tan anggapoy mata iray mangigagalang ed sarayan diriyos—tan napelag irad kababaingan.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 44:19

Saray managgaway talintao et anggapoy pakatalus odino liknaan dan mangikuan, “Namparlangan ko ray arum a kiew. Nanggawaan ko na kanen iray ngalab, tan nankalutan ko na karni insan ko kinan. Say arum ed samay kiew et ginawak a talintaoy dios. Et natan antoy agawak; anta sakey a poter na kiew et nakar kon dadakmomoan!”

Jeremias 51:17

Diad pakanengneng ed saya magmaliw a makulang-kulang tan anggapoy pakatalus ya amin iray totoo; magmaliw a mangamanga iray managgaway talintao, lapud tila-tila tan anggapoy bilay iray diriyos a gagawaen da.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Ezekiel 12:2

Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.