Isaias 43:14 - Maung A Balita Biblia

¹⁴ Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Maung a Balita Biblia

¹⁴ Say masanton Dios na Israel, say Katawan a Mananondon yo, kuanto, Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Isaias 43:14 Referans Kwoze

Jeremias 51:24

Say Katawan kuanto, “Naimatunan yoy paningil kod Babilonia tan saray totoo to, lapud amin a kaogsan a ginagawa ra ed Jerusalem.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Isaias 23:13

Saray taga Babilonia, aliwan saray taga Asiria, so angibolus ed saray ayayep ed katakelan a nandederal ed Tiro. Saray taga Babilonia so angipaalagey na saray torin panaglakob ed siudad na Tiro, inggegeba ray padir to, tan tinaynan dan aderal-deral).

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Saray Salmo 19:14

Makapaliket komun ed sika iray salitak tan saray kanunotan ko, O Katawan a salimbengan ko tan mananondon ko!

Say Libro nen Job 19:25

Balet amtak a walad tawen so sakey a manangyagel ko, onsabid kaonuran a mangyagel ed siak.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Jeremias 51:13

Amayamay iray ilog na Babilonia tan saray baleg a kayamanan to, balet asabi lay oras to tan apongpong lay pabilo na bilay to.

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Mikias 4:10

Yesyes tan ngesnges kayo, sikayon totood Jerusalem, a singa biin manaanak, ta nepeg a taynan yo natan so siudad tan manayam kayo ed maawang a kaumaan. Nepeg ya onla kayod Babilonia, balet iyagel to kayod man na Katawan ed saray kalaban yo.

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.