Isaias 42:1 - Maung A Balita Biblia

¹ Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Maung a Balita Biblia

¹ Say Katawan kuanto, Saya so aripen ko a pinabiskeg ko sikatoy pinilik tan pakaliliketan ko. Pinanok na ispirtuk, tan sikatoy mangyakar ed balang bansa na inkatonung.

Isaias 42:1 Referans Kwoze

Lucas 3:22

tan dinmapod sikatoy Ispiritu Santo ed nengneng na laman a singa malapati. Insan walay bosis a nanlapud tawen a nankuan, “Sika so dilin Anak ko ya inararok; pakaliliketan ta ka.”

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Isaias 52:13

Say Katawan kuanto, “Maung so kasumpalay kimey na aripen ko; ontan lay kitanduro tan kigalang to.

FILIPOS 2:7

Nilakseb to ingen so inka-Dios to, tan inala toy kipapasen na aripen nen nagmaliw a too.

Isaias 43:10

“Totood Israel, sikayo ray tasik; pinili ta kayon aripen ko, pian nakabatan yo ak tan manisia kayo ed siak tan natalusan yo a Siak si Siak. Likud ed siak anggapo lay arum a dios nen saman, natan, tan anggan kapigan.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

1 Pedro 2:4

Singger kayod Katawan, say baton mabilay ya imbantak na totoo, balet pinili na Dios tan mabmablid pakanengneng to.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

Isaias 41:8

“Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Juan 3:34

Ta say imbakiy Dios ipulong toy salitay Dios, ta ag nasabsabaay pangiter na Dios ed sikato na Ispiritu.

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

TAGA-EFESO 1:4

Diad sayan pikakasakey tid Cristo, say Dios pinili to itayo la, kasakbayan ya apalsay mundo, pian magmaliw itayon masanto tan anggapoy pakabalawan ed arap to. Lapud panangaroy Dios,

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

1 Pedro 2:6

Ta ibabagay Masanton Sulat, “Pinilik so sakey a mablin bato, ya ililirak a pundasion ed Sion; tan ag nabaingan so siopaman a manisiad sikato.”

Saray Gawgawa 28:28

Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

Lucas 9:35

Insan walay bosis a nanlapud samay lorem ya inkuanto, “Sikato yay Anak ko a pinilik. Dengel kayod sikato!”

Zacarias 3:8

Dengel ka sirin, Josue, sika a Pangulon Pari; tan dengel kayon kapara ton papari, sikayo a tanda na maung a nagawa ed arapen a panaon; ipaamtak so aripen ko a tatawagey Say Sanga!

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Saray Gawgawa 11:18

Nen nadngel da ya, intonda ray pantetetel da tan indayew day Dios. “No ontan sirin,” inkuanda, “initday Dios met iray Hintil na pankanawnawan magbabawi ed saray kasalanan da, pian nagamuran day bilay!”

Juan 16:32

Onsabiy oras, diad tuay tua ginmapo la, a nikaykayat kayo. Onlay balang sakey ed sikayo ed labay ton laen tan natilak ak a bukor. Anggaman ontan, siansian ag ak mambukbukor, ta kaibak so Ama.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Isaias 32:16

Say kaptekan tan say inkatonung so manari ed anggan iner a pasen na dalin.

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Lucas 4:19

tan mangipakabat na manepeg a taon a pangilabay Katawan.”

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Isaias 41:9

Inala ta kayon manlapud saray samput na dalin; tinawag ta kayod saray sankaarawian a sokung na mundo tan kuantod sikayo, ‘Sikayo ray aripen ko.’ Ag ta kayo impolisay, no ag ingen pinili ta kayo.

Isaias 42:2

Ag to oneyag odino mangyatagey na bosis to; ag mambando ed saray dalan.

Aggeo 2:23

Diad satan ya agew alaen ta ka, Zorobabel, ya aripen ko tan toroen ta kan manoley ed ngaran ko. Sika so pinilik.” Say Katawan a Makapanyarin-amin so nansalita.

Saray Salmo 72:4

Maptek komuy panintinsiay ari ed saray mairap-bilay; tulongan to komun iray walad pankaukolan, tan taloen to ray managpairap ed sikara.

Saray Salmo 89:4

‘Sakey a kabyangay boleg mo so manari lawas, tan pansiansiaen kon anggad angga so panarian mo.’”

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Isaias 63:1

“Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg?” Sikato so Katawan, makapanyarin mangilaban, ya onsasabin mangibawag na pananalo to.