Isaias 41:8 - Maung A Balita Biblia

⁸ “Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Maung a Balita Biblia

⁸ Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Isaias 41:8 Referans Kwoze

Santiago 2:23

Tinmua so ibabagay Masanton Sulat, “Si Abraham anisiad Dios, tan lapud pananisia to, say Dios impasen ton matonung.” Sikato ni ingey atawag a kaaroy Dios.

2 Saray Awaran 20:7

Sika so Dios mi. Nen saray totoom ya Israelita et linma rad sayan dalin, pinataynan mo ray totoon manaayam dia, insan inter mon kayaryan lan anggad angga na saray kabyangay boleg nen Abraham a kaarom.

Deuteronomio 14:2

Kayaryan kayo na Katawan a Dios yo; pinili to kayon dilin totoo to diad saray amin a totood tapew na dalin.

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Isaias 44:21

Say Katawan kuanto, “Tandaan mo ya, Israel; tandaan mo a sikay aripen ko. Pinalsa ta ka a magmaliw ya aripen ko, tan ag ta kan balut lingwanan.

Isaias 29:22

Kanyan natan say Katawan a Dios na Israel, ya angyagel ed kinen Abraham nen walad gunigon, kuanto, “Sikayo ran totook, ag kayo la napelag ed kababainngan, ag kayo la mampabalangay lupa.

Saray Salmo 33:12

Maliket so bansa a say Dios to et say Katawan; maliket iray totoon pinili na Dios a kayaryan to!

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Saray Salmo 135:4

Pinili ton para sikaton dili si Jacob, saray totood Israel.

Jeremias 33:24

“Naimanom so pangibabaga da ray totoo ya impolisay koy Israel tan say Juda, saray duaran pinilik a pamilya? Kanyan balbalawen da ray totook tan ag da la ra ipapasen a sakey a bansa.

Isaias 48:12

Say Katawan kuanto, “Dengel kad siak, Israel, saray totoon pinilik! Siak si Siak, say sankaonaan, tan say sankaonuran!

Mateo 3:9

Tan ag yo iisipen a nasaniban yoy peteg a kipapasen yo diad pangibaga yon laki yoy Abraham. Kuankod sikayo a walay pakayari na Dios a pagmaliwen a tuan anak nen Abraham ira yan bato!

Isaias 63:16

Sika so ama mi. Ag kami bibirbiren na saray lalaki min di Abraham tan Jacob, balet sika, Katawan, so ama mi; sika lawas so mangyaagel ed sikami.

Isaias 49:3

Inkuantod siak, “Israel, sikay aripen ko; lapud sika, idayew ak na saray totoo.”

Deuteronomio 10:15

Balet balbaleg so panangaro na Katawan ed saray lalaki yo kanyan pinili to kayo, aliwan saray arum a totoo, tan sikayo ni ya anggad natan iray apilin totoo to.

Levitico 25:42

Saray Israelita et aripen ira na Katawan, tan impaway to ra manlapud Egipto; ag ira nepeg ya ilakon aripen.

TAGA GALACIA 3:19

Akin et niiter so Ganggan sirin? Niarum so Ganggan pian nipanengneng no antoy kabaliksay isumlang ed ganggan, anggad onsabiy angisipanan, a salanti say apo nen Abraham. Niiter yan Ganggan diad panamegley na saray anghil, tan tinulongan iray sakey a manamegley.

Saray Salmo 136:22

inter to rad Israel ya aripen to; andi-anggaan so panangaro to.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Isaias 42:19

Wala ta niy mapalaloy inkabulag to nen say aripen ko, mapalaloy inkatelek to nen say aripen kon ibabakik?

Isaias 43:5

Ag ka natatakot—wala ak ed sika! “Manlapud bokig tan sagur pasempeten ko ray totoom.

Isaias 43:10

“Totood Israel, sikayo ray tasik; pinili ta kayon aripen ko, pian nakabatan yo ak tan manisia kayo ed siak tan natalusan yo a Siak si Siak. Likud ed siak anggapo lay arum a dios nen saman, natan, tan anggan kapigan.

Isaias 45:4

Totoroen ta kan ontulong ed aripen kon Israel, saray totoon pinilik. Initdan ta kay baleg a kagalangan anggaman ya ag mo ak kabat.

Malakias 1:2

Say Katawan kuantod saray totoo to, “Inaro ta kayo lawas.” Balet ebat da, “Panoy impangarom ed sikami?” Ebat na Katawan, “Sanagi ra di Jacob tan Esau, balet inarok si Jacob tan saray kabyangay boleg to,

Saray Salmo 136:21

Inter to ray dalin da ed saray totoo to; andi-anggaan so panangaro to;