Isaias 40:9 - Maung A Balita Biblia

⁹ Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Maung a Balita Biblia

⁹ Jerusalem, tatdang kad atagey a palandey, ta ipulong moy maung a balita! Kolyaot ka, Sion, ibawag moy maung a balita! Ag ka ontatakot, mansalita ka. Ibagam ed saray baley na Juda ya onsasabi lay Dios da!

Isaias 40:9 Referans Kwoze

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

TAGA-EFESO 6:19

Ipikasi yo met ya iter na Dios ed siak so dugan pananalita, et diad ontan, matalek ak a mangipaliwaway niamut a katwaan na Maung a Balita.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

1 Pedro 3:14

Balet manliket ki nin siansia, anggaman a pairapen da kayo lapud panggawa yoy kaabigan! Ag yo tatakotay panangigagaem da, tan ag kayo mapaga.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Saray Taga Roma 10:18

Balet tepeten ko pa: Ag da kasi nadngel so Maung a Balita? Nadngel da, ta ibabagay Masanton Sulat: “Nadngel anggad iner a sokung na mundo so bosis da ray managpulong, tan kinmayat iray salita ya anggad saray samput na mundo.”

Saray Gawgawa 4:29

Tan natan, Katawan, sesebelan da kami. Tulongan mo kami pa ran aripen mo, pian nipulong min anggapoy takot so salitam.

Saray Gawgawa 4:13

Mankelaw iray kabyangay Sanidrin ed tepel na linawa di Pedro tan Juan. Lalon mankelaw ira nen naamtaan da ya ordinario labat iran totoo, tan anggapoy aral da. Naamtaan dad satan a kabkaiba ray Jesus nen saman.

Saray Gawgawa 2:14

Inmalagey si Pedro a kaiba to ray labinsakey ya apostol, tan nansalitay maksil, “Kaparak iran Judio tan amin yon manaayam ed Jerusalem, dengel kayon maung ed ibagak, ta ipatalus ko yay nagagawa.

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Jeremias 22:20

Totood Jerusalem, kalab kayod Palandey na Libano tan eyag kayo, laka yod dalin na Basan tan mankolyaot kayo; eyag kayon manlapud saray palandey na Moab, ta atalo lan amin iray kagampi yo.

Isaias 58:4

Say panaayuno yo pagmamaliwen to kayon maruksa, tan mankokolkol kayo tan manlalaban kayo. Abaloan yo dengelen ko ray pikakasi yo lapud sayan panagayuno yo?

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Isaias 41:27

Siak, say Katawan, so inmonan angibalitad Sion; Angibaki ak na angibalitad Jerusalem a kuanto, ‘Onsasabi ray totoom! Onsesempet la ra!’

2 Saray Awaran 13:4

Nambabanad kapokdulan na Efraim iray sondalo. Kinmalab ed Palandey na Zemaraim si Ari Abiam tan kinolyaotan toy Jeroboam tan saray Israelita. “Dengel yo ak!” inkuanto.

Saray Huis 9:7

Nen nadngelan nen Jotam so nipaakar ed saya, linman nanalagey ed toktok na Palandey na Gerizim tan kinulyaotan to ra, “Dengel kayod siak, sikayo ran totood Sikem, ta ompan dengelen kayo na Dios!

Isaias 1:1

Diad sayan libro nisulat iray impasingayew na Dios ed kinen Isaias a lakin anak nen Amoz legan na impanari ed Juda di Uzias, Jotam, Acaz, tan Ezekias.

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Jeremias 29:11

Siak labat so makaamta na saray planok ed sikayo. Sarayan plano et makaiter ed sikayo na aligwas, aliwan deral; saray planon mamatwa ed iilaloan yon nagawa ed arapen a panaon.

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!

Isaias 52:6

Onsabiy agew a birbiren yon siak so Dios tan siak so akisalita ed sikayo.”