Isaias 40:28 - Maung A Balita Biblia

²⁸ Ag yo amta? Ag yo ni nadngelan? Say Katawan so andi-anggaan a Dios; pinalsa to so sankamundoan. Ag balut nakesawan odino napunaw. Anggapoy makatalus na kanunotan to.

Maung a Balita Biblia

²⁸ Ag yo amta? Ag yo ni nadngelan? Say Katawan so andi-anggaan a Dios; pinalsa to so sankamundoan. Ag balut nakesawan odino napunaw. Anggapoy makatalus na kanunotan to.

Isaias 40:28 Referans Kwoze

Saray Salmo 147:5

Matalonggaring tan makapanyari so Katawan tayo; ag nasukat so kakabatan to.

FILIPOS 1:6

Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

Isaias 40:21

Ag yo amta? Ag ni asalitad sikayo nen saman? Ag yo ni nadngelan no panoy inggapo na mundo?

1 CORINTO 2:16

Ta onung na ibabagay Masanton Sulat, “Siopay makaamtad kanunotay Katawan? Siopay makasimbawad sikato?” Balet, walad sikatayoy panagnunot nen Cristo.

Juan 14:9

Inmebat si Jesus, “Abayag lan kaiba yo ak, balet ag mo ak ni amta, Felipe? Say akanengneng ed siak, anengneng to lay Amak. Akit kekerewen mon ipanengneng koy Ama ed sikayo?

Genesis 21:33

Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Lucas 24:25

Inkuanen Jesus ed sikara, “Agaylay kakulangay panagnunot yo! Akin sirin et mairap kayon manisia ed amin ya imbaga da ray propita?

1 CORINTO 6:19

Ag yo ta amtan say laman yo et timplo na Ispiritu Santo a manaayam ed sikayo tan inter na Dios ed sikayo? Ag yo kayaryay laman yo; say Dios so makankayaryan, ta

1 CORINTO 6:9

Ag yo ta amtan saray makasalanan et ag da natawir so Panariay Dios? Ag kayo patitilaan! Saray managgaway inmoralidad, saray manangigalang ed saray talintaoy diriyos, saray managkaloguran, saray managliket ed laman na kapara ran laki o kapara ran bii,

Jeremias 4:22

Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Saray Salmo 90:2

Kasakbayay impamalsam ed saray palandey, odino impamalsam ed mundo, Dios ka la manlapud gapoy-gapo; Dios ka ya anggad angga.

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Saray Salmo 139:6

Aralem a tuloy so pakaamtam ed siak; ag ko nayarian a tokuren.

Saray Gawgawa 13:47

Ta onyay ingganggan na Katawan ed sikami: ‘Impasen ta kan singa silew da ray Hintil, pian niyakar moy kilalaban ed intiron mundo.’”

Juan 5:17

Balet inmebat si Jesus ed sikara, “Si Amak mankikimey anggad natan; ontan ko met.”

Marcos 16:14

Kasumpal to ya, pinmanengneng si Jesus ed saray labinsakey a disipulo legan dan mangakan. Nampasnukan to ra, lapud anawet so puso ra tan ag ira anisia ed saramay akanengneng ed sikato ya inmoli lad bilay.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

Isaias 59:1

Ag yo nununoten a say Katawan et makapoy, kanyan ag to kayo nilaban odino telek, kanyan ag to kayo narengel no onkerew kayoy tulong!

Deuteronomio 33:27

Say andi-anggaan a Dios so lawas manangyagel yo; saray magnayon a taklay to so sakorung yo. Pinataynan to ray kalaban yo legan yon mankukurang, tan imbaga tod sikayon deralen yo ran amin.

1 CORINTO 6:16

Ag yo ta amtan say lakin miakdul ed marotak a bii et mankasakey irad laman? Ta ibabagay Masanton Sulat, “Magmaliw a saksakey a laman iran dua.”

Marcos 9:19

Inkuanen Jesus ed sikara, “Agaylay ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Saray Taga Roma 16:26

Nibawag la ya natan a katwaan diad panamegley na saray insusulat da ray propita; tan lapud ganggan na andi-anggaan a Dios, nipakabat ed saray amin a bansa pian manisia tan mangonur iray amin a katoowan.

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Isaias 66:9

Ag yo ipapasen ya ag ko abuloyan a nianak iray totook anta ngalngali la ra niboknak.” Say Katawan so nansalita.

Saray Salmo 145:3

Matalonggaring so Katawan tan manepenepeg a galangen; sigput ya ag natalusan so inkatalonggaring to.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Say Libro nen Job 38:18

Amtam so kabaleg na mundo? Ebatan mo ak no amtam.

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.