Isaias 40:26 - Maung A Balita Biblia

²⁶ Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!

Maung a Balita Biblia

²⁶ Tangay kayo pa ed tawen! Sipay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to anggapoy nabalang ya anggan sakey ed sikara!

Isaias 40:26 Referans Kwoze

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Isaias 34:16

Sokimat yod libro na Katawan a nipaakar ed saray mabilay a pinalsa tan basa yoy ibabaga to. Anggapoy anggan sakey ed sarayan pinalsa so nabalang, tan walay asawa so balang sakey ed sikara. Say Katawan a dili so angiganggan ed saya; say ispiritu to so manipon ed sikara.

Saray Salmo 19:1

Ipapaamta na tawen so kagalangay Dios! Ipapanengneng to ray ginagawa na Dios!

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Saray Salmo 102:25

abayag lan pinalsam so mundo, tan saray dilin limam so nanggawad katawenan.

Genesis 1:16

Onya so impamalsa na Dios ed saray duaran baleg a silew, say banwa a baleg a silew a manoley no agew tan say bulan a memelag a silew a manoley no labi; pinalsa to met iray bitewen.

Saray Salmo 121:1

Onnenengneng ak ed kapalandeyan; iner so panlapway tulong ed siak?

Isaias 48:12

Say Katawan kuanto, “Dengel kad siak, Israel, saray totoon pinilik! Siak si Siak, say sankaonaan, tan say sankaonuran!

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Genesis 1:14

Insan inkuan na Dios, “Onlesa ed tawen iray silew a mangibiig na agew ed labi tan mangipanengneng na igapo na saray agew, taon, tan saray panaon;

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Saray Salmo 119:91

Mansiasiansia ya anggad natan iray amin a bengatla lapud ganggan mo, ta aripen mo ran amin.

Isaias 45:12

Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.