Isaias 39:3 - Maung A Balita Biblia

³ Insan linmay propita Isaias ed kinen Ari Ezekias tan tinepet to, “Iner so nanlapwan na sarayan totoo tan antoy kuandad sika?” Inmebat si Ezekias, “Nanlapu rad Babilonia ya arawdawin bansa.”

Maung a Balita Biblia

³ Insan linmay propita Isaias ed kinen Ari Ezekias tan tinepet to, Iner so nanlapwan na sarayan totoo tan antoy kuandad sika? Inmebat si Ezekias, Nanlapu rad Babilonia ya arawdawin bansa.

Isaias 39:3 Referans Kwoze

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Jeremias 5:15

Totood Israel, mangibaki so Katawan na sakey a bansan manlapud arawin pasen tan dogpaan to kayo. Mabiskeg tan abayag lan bansa, tan ag yo amta so salita ray totoo to.

2 Saray Awaran 16:7

Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

2 Samuel 12:1

Imbaki na Katawan si propita Natan ed kinen David. Linmay Natan ed sikato tan kuanto, “Walay duaran laki a manaayam ed saksakey a baley; mayaman so sakey tan mairap-bilay so sakey.

Isaias 38:5

ya ompawil ed kinen Ezekias ta ikuantod sikato, “Siak, say Katawan a Dios na lakim a David, et nadngel koy pikakasim tan anengneng koy interter na luam; pambilayen ta ka ni na labinlimay taon.

Isaias 38:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”

2 Saray Awaran 25:15

Akapasnuk so Katawan ed saya, kanyan angibaki na propita ed kinen Amasias. Tinepet na samay propita, “Akin et igagalang mo ray diriyos na arum a bansa ya ag da anggan niyagel ed pakayarim iray dilin totoo ra?”

Josue 9:9

Insan da tinongtong ed sikato yan istorio: “Arawdawin dalin so nanlapwan mi, lapud nadngelan miy nipaakar ed Katawan a Dios yo. Nadngelan miy amin a ginagawa to ed Egipto

Josue 9:6

Insan ira linmad kampod Gilgal tan kuandad kinen Josue tan saray lalaki na Israel, “Arawdawiy nanlapwan min dalin. Labay min mipaknaan kayod sikami.”

2 Saray Awaran 19:2

Si propita Jehu a lakin anak nen Hanani inabet toy ari tan kuantod sikato, “Abaloan mo a maung a tulongan iray maoges a totoo, tan say migampi ed mamobusol ed Katawan? Diad impanggawam na onya, impanpasnuk mod sika so Katawan.

Isaias 39:4

“Antoy anengneng dad palasio?” tepet nen Isaias. “Anengneng dan amin. Anggapoy ag ko impanengneng ed sikara a bengatlan walad saray kuarton panagsinupan,” ebat nen Ezekias.

Jeremias 4:16

Diad pamasakbay dad saray bansa tan pangibaga rad Jerusalem ibawag da, “Onsasabi ray kalaban a nanlapud sakey ya arawin bansa. Mambando ra sumpad saray siudad na Juda,

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”