Isaias 37:36 - Maung A Balita Biblia

³⁶ Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Maung a Balita Biblia

³⁶ Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 37:36 Referans Kwoze

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 31:8

Naderal ed bakal so Asiria, balet aliwan diad panamegley na pakayariy too. Ibatikan na saray taga Asiria so bakalan tan naaripen iray tobun-balo ra.

2 Samuel 24:16

Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, “Tondaan mo la! Duga la tan!” Samay anghil et walad abay na panagilikan nen Arauna a Jebuseo.

Saray Gawgawa 12:23

Diad saman a bekta, kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

Say Libro nen Job 24:24

Say toon maoges onaligwas a magano balet insan namagaan a singa dika, singa ginapas a pagey.

1 Saray Awaran 21:16

Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totoo—akakawes iran amin na sako—dinmakmomo ra ya anggad dalin.

1 Saray Awaran 21:12

Taloy taon ya eras? Odino taloy bulan a deralderalen kayo na saray kalaban yo tan ibatik-batikan yo ra? Odino taloy agew ya idogpa na Katawan ed sikayo so ispada to tan mangibaki na salot ed dalin yo tan say anghil to so ikana tod pampatey na saray totood intiron dalin? Anto so ebat mo ya ibagak ed Katawan?”

Exodo 12:30

Diad saman a labi say ari, saray opisyal to, tan amin nin arum ya Egipsio et abangon ira. Walay agawan baleg ya akisan ed intiron Egipto, lapud anggapoy abung ya anggapoy inatey to.

Exodo 12:23

Ta onliber ed Egipto so Katawan a mamatey ed saray Egipsio, et no nanengneng toy dala ed saray panuksolan tan diad saray lusek ya akapeketan na saray puirta, ag to la palooben ed kaabungan yo so Anghil na Patey tan ag to kayo pateyen.

Isaias 10:26

Siak, say Katawan a Makapanyarin-amin leweten ko ra a singa samay impanlewet kod saray totood Madian diad Baton Oreb. Dusaen koy Asiria a singa impanusak ed Egipto.

Isaias 27:7

Say impanusa na Katawan ed Israel et aliwan mapalalon singa say impanusa tod saray kalaban to. Daiset iray apatey a totoo to nen saray apatey a kalaban to.

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Mikias 5:6

Diad pakapanyari ra nadakep day Asiria, say dalin na Nimrod, et iyagel da tayod saray taga Asiria no looban day dalin tayo.

Nahum 3:3

Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton— nataktakbaan ira na saray totoo.

Say Libro nen Job 34:20

Nayarin biglan ompatey ed labi so sakey a too. Kakabilen na Dios iray totoo et ompatey ira; mainomay ton pateyen iray makapanyarin totoo.

Isaias 10:25

Magano lan nasumpal so panudusak ed sikayo; kayari to deralen kod satan iray taga Asiria.

Isaias 29:5

Jerusalem, amin da ray taga arum a bansan ondodogpad sika et singa ra dabuk ya ontikyab ed arawi, tan saray makapataktakot a sondalo ra et ontikyab iran singa taep. Insan diad ag iilaloan tan bigla-biglan nagawa,

Nahum 1:12

Sikato yay kuan na Katawan ed saray totoo ton Israel: “Anggaman a mabiskeg tan amayamay iray taga Asiria, naderal tan naandipat ira. Totook, pinairap ta kayo, balet ag ko la oliten a gawaen.