Isaias 37:33 - Maung A Balita Biblia

³³ “Onyay inkuan na Katawan nipaakar ed impirador na Asiria: ‘Ag to looban o panaen yan siudad. Anggapoy onsingger ed siudad a sondalon walay samper to, tan anggapoy nagawan bontun a para panakep ed siudad.

Maung a Balita Biblia

³³ Onyay inkuan na Katawan nipaakar ed impirador na Asiria: Ag to looban o panaen yan siudad. Anggapoy onsingger ed siudad a sondalon walay samper to, tan anggapoy nagawan bontun a para panakep ed siudad.

Isaias 37:33 Referans Kwoze

Ezekiel 21:22

Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

Isaias 17:14

Manataktakot ira no labi, balet kasabiy kabwasan naandi la ra! Onya so pansumpalan da ray amin a manasamsam ed saray kayaryan tayo.

Isaias 17:12

Agolo-golo ray bansa tan manungol ira a singa panungol na ankakabaleg a daluyon na dayat.

Jeremias 6:6

Say Katawan a Makapanyarin-amin ingganggan to ra yan arari a mambatang iray kakiewan tan mambunton iray dalin, pian nakobkob day Jerusalem. Impasakbay to la nen saman, “Dusaen ko yan siudad lapud napno na panagpairap.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Deuteronomio 20:20

Nayarin batangen yo ray kiew ya ag naakay bunga ra tan ikana yo rad iloob yod siudad anggad pakadakep yo.