Isaias 37:31 - Maung A Balita Biblia

³¹ Saray mansiansian mabilay a taga Juda onaligwas iran singa saray tanaman a manlamut na aralem, insan ira mambunga.

Maung a Balita Biblia

³¹ Saray mansiansian mabilay a taga Juda onaligwas iran singa saray tanaman a manlamut na aralem, insan ira mambunga.

Isaias 37:31 Referans Kwoze

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Saray Salmo 80:9

Pinalinan moy sakey a pasen a tobuan to; inmaralem iray lamut to tan kinmayamkam ed intiron dalin.

Saray Taga Roma 11:5

Ontan met a diad sayan panaon, wala ni ray daiset ya atilak a pinili na Dios lapud panangasi to.

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

TAGA GALACIA 3:29

No kayaryan kayo nen Cristo, kabyangan ki sirin na saray apo nen Abraham, tan tumatawir kayoy insipay Dios.

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Jeremias 30:19

Mankanta na panangidayew iray totoon manaayam diman; maneyag irad liket. Lapud panamindision ko ondakel ira, tan napagalangan ira.

Isaias 65:9

Bindisionan ko ray Israelitan kabyangay tribu nen Juda, tan kayaryanen na saray kabyangay boleg da so dalin kon kapalandeyan. Manayam diman iray pinilik a totoo a manlilingkur ed siak.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Saray Salmo 92:14

mambubunga ni ra, anggan matakken la ra; lawas mabisbiskeg tan mabona-bona ra.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 37:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to ra may nansalita. Kanyan ipikasim pad Dios iray nakdaan a totoo tayo.”

Jeremias 31:7

Say Katawan kuanto, “Mankanta kayod liket para Israel, say sankatalonggaringan ed saray bansa. Kanta yoy imno na panangidayew, ‘Inyagel na Katawan iray totoo to, inliktar ton amin iray akeraan.’

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.