Isaias 37:19 - Maung A Balita Biblia

¹⁹ tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

Maung a Balita Biblia

¹⁹ tan pinopoolan da ray diriyos data aliwa ran tuan diriyos; talintaon kiew odino bato ra labat a ginagawa na limay too.

Isaias 37:19 Referans Kwoze

Oseas 8:6

Sakey a platiron taga Israel so nanggawa na talintao, et aliwa ni lamlamang a dios imay ginawa to! Namisimisi imay bakan balituk a gagalangen ed Samaria!

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Isaias 44:17

Say arum a parti na kiew gawaen ton sakey a talintaoy dios, insan to dakmomoan tan igalang. Pampikasian to tan kuanto, “Sika so dios ko—ilaban mo ak pa!”

Isaias 41:29

Andi-kana ra yan amin a diriyos: anggapon balut so nagawaan da— makapoy tan anggapoy pakayari ira yan talintaoy diriyos.”

Isaias 41:24

Sikayo tan amin da ray gagawaen yo et anggapoy kabaliksan; makapaingungot iray mangigagalang ed sikayo!

Isaias 41:7

Say karpintiro kuantod platiro, “Marakep itay ginawam!” Say iskotur a titiktikan toy mantilyo pian napino so talintaoy diriyos et pabibiskegen toy linawa na toon manotoop ed talintao. Ikuanda, ‘Marakep so inkapainang to’— insan da ipeket na pasak imay talintao.

Isaias 26:14

Inaatey la ra natan tan ag ombangon iray anyani ra; anggan say anino ra anggapo la, tan dinusam tan pinatey mo ra. Anggapo lay makanunot ed sikara.

2 Samuel 5:21

Tinaynan diman na saray Filisteo iray talintaoy diriyos da, et inaala ra nen David tan saray totoo to.

Exodo 32:20

Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

Isaias 2:8

Napno na saray talintaoy diriyos so dalin da, tan igagalang da ray bengatlan ginawa na dilin lima ra.

Isaias 17:8

Ag la rad satan manmatalek ed saray altar a ginaway dilin lima ra, odino manmatalek ed dinan man a ginawa ra—saray tanda na diosan Asera tan saray altar a panagpoolan na insinso.

Jeremias 1:16

Dusaen ko ray totook lapud nankasalanan ira; inkaindan da ak, nansasaklang iray bagat ed saray diriyos, tan inggagalang da ray ginagawa ran talintaoy diriyos.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Jeremias 16:20

Makagawa kasi na saray dili ton diriyos so sakey a too? Andi! Say nagawa to aliwa ran peteg a diriyos.”

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Daniel 11:8

Awiten tod Egipto iray talintaoy diriyos da tan saray kagawaan a balituk tan pilak a nisaklang ed saraman a diriyos. Kalabas na pigaran taon a walay kareenan ed kaliber-liber

Isaias 10:7

Balet say impirador na Asiria wala ray maruksan plano ton dili. Ginetma ton deralen iray amayamay a bansa.