Isaias 36:11 - Maung A Balita Biblia

¹¹ Insan inkuan di Eliakim, Sebna, tan Joa ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

Maung a Balita Biblia

¹¹ Insan inkuan di Eliakim, Sebna, tan Joa ed samay opisyal, Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.

Isaias 36:11 Referans Kwoze

Esdras 4:7

Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Daniel 2:4

Inmebat irad ari diad salitan Aramaica, “Mansiansia komun a mambilay so Kagalang ya Ari! Ibagam ed sikami so kogip mo, et ipaliwawa mid sika.”

Isaias 22:15

Imbagad siak na Katawan a Dios a Makapanyarin-amin ya onla ak ed kinen Sebna, a pampipiaan ed palasio, ta ikuankod sikato,

Isaias 36:12

Inmebat imay opisyal, “Abaloan yo amon sikayo tan say ari yo labat so angibakian na impirador ed siak a pangibagaan kod sarayan amin a bengatla? Andi, mitotongtong ak met ed saray totoon manyodyorung ed tapew na padir, a kapara yo ran mangan na dilin tai ra tan oninom na dilin sirit da.”

Isaias 36:13

Insan inmalagey imay opisyal tan ineyag tod salitay Hebreo, “Dengel yoy ibabagad sikayo na impirador na Asiria.

Daniel 1:4

Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Isaias 22:20

Say Katawan kuantod kinen Sebna, “No nagawa ya, ipaawit koy aripen kon Eliakim a lakin anak nen Helcias.