Isaias 35:7 - Maung A Balita Biblia

⁷ magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Maung a Balita Biblia

⁷ magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Isaias 35:7 Referans Kwoze

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Isaias 34:13

Saray masabit a tanaman et ontubo rad saray palasio tan saray baley ya aliber na padir, tan panayaman ira na saray asod katakelan tan saray kulayot.

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Juan 7:38

Onung na ibabagay Masanton Sulat, ‘Siopamay manisiad siak, onagos a manlapud puso to ray sobul na danum a mangiter na bilay.’”

Isaias 13:22

Saray hayina tan saray asod katakelan et mandangul-dangul irad saray tori tan saray palasio. Sinmabi lay agew na pakaderal na Babilonia. Ngalngali la mangangga ray agew to.”

Lucas 13:29

Onsabi ray totoon manlapud bokig tan sagur, abalaten tan baybay, tan ondongo rad lamisaan ed Panariay Dios.

Mateo 21:43

“Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.”

Isaias 29:17

Onung na ibabaga ra, ag mabayag magmaliw a daralusan so makdel a takel, tan magmaliw a takel so daralusan.

Isaias 19:6

Ombanget iray kolus na ilog legan iran nanaekatan. Nalenes iray tanobung,

Saray Salmo 107:35

Ginawa ton danum iray kabueran, tan impagmaliw ton managagos a sobul so amagan dalin.

Isaias 30:25

Diad agew a nadakep iray tirinsira na saray kalaban yo tan napatey iray totoo ra, onagos iray sobul a manlapud balang palandey tan balang pokdul.

Isaias 41:18

Saray ilog paagosen kod saray kapokdulan ya anggapoy tanaman tan paagosen kod saray patar iray sobul. Pagmaliwen kon dipositoy danum so kalawakan; pagmaliwen kon managagos a danum so amagan dalin.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Ezekiel 47:8

Inkuantod siak, “Sayan danum onaagos ed bandad bokig ya anggad Patar na Jordan tan diad Inatey a Dayat. No kaagos tod Inatey a Dayat, salatan tod man so danum a maasin na matabang a danum.

Saray Huis 6:38

Onung na inilaloan nen Gedeon, onman so agawa. Kabangon nen Gedeon ed ontombuk a kabwasan, pinespes to may lanan abel, tan akapangisalur na sakey a losur a linaew.