Isaias 35:5 - Maung A Balita Biblia

⁵ Diad satan, makanengneng iray bulag, tan makadngel iray telek.

Maung a Balita Biblia

⁵ Diad satan, makanengneng iray bulag, tan makadngel iray telek.

Isaias 35:5 Referans Kwoze

Isaias 29:18

No onsabi tan ya agew, say telek nayarian ton dengelen so libron nibasa ed maksil, tan say bulag ya abayag lan mambibilay ed kabilongetan et nalokasan iray mata to tan makanengneng.

Saray Salmo 146:8

tan iitdan toy pakanengneng iray bulag. Itatanduro to ray atumba; aaroen to ray matonung a totoo to.

Juan 9:39

Inkuanen Jesus, “Linma ak diad mundo a manintinsia, pian makanengneng iray bulag tan nabulag iray makanengneng.”

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Mateo 12:22

Inyakar dad kinen Jesus so sakey a lakin bulag tan ag makasalita lapud inaponay dimonyo. Pinaabig nen Jesus, kanyan makanengneng tan makatongtong la.

Mateo 21:14

Wala ray bulag tan piley a sinmingger ed kinen Jesus dimad Timplo tan pinapaabig to ra.

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

Isaias 43:8

Say Dios kuanto, “Awit yod korti iray totook. Walay mata ra, balet ag ira makanengneng; walay layag da, balet ag ira makadngel!

Probirbio 20:12

Say Katawan initdan to itayo na saray mata a pannengneng, tan saray layag a pandengel.

Exodo 4:11

Inkuan na Katawan ed sikato, “Siopay nanggawa na sangiy too? Siopay nanggagawa a telek tan omel so too? Siopay mangiiter na pakanengneng tan say pakabulag ed too? Aliwa tan siak a Katawan?

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Juan 11:37

Balet inkuan na saray arum, “Initdan toy pakanengneng imay bulag, ag to met komun kasi apaabig si Lazaro pian ag inatey?”

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Say Libro nen Job 33:16

Say Dios ipaparengel tod saray totoo iray sasalitaen to, tan patatakoten to ra lapud saray pasakbay to.

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Isaias 42:18

Say Katawan kuanto, “Dengel kayo, sikayon telek a totoo! Konineng kayo, sikayo ran bulag!

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.