Isaias 34:3 - Maung A Balita Biblia

³ Ag nikotkot iray bangkay da, no ag ta kitongilang iran naboluk tan ombanget; nabalangaan na dala iray kapalandeyan.

Maung a Balita Biblia

³ Ag nikotkot iray bangkay da, no ag ta kitongilang iran naboluk tan ombanget; nabalangaan na dala iray kapalandeyan.

Isaias 34:3 Referans Kwoze

Joel 2:20

Ekalen ko ray amayamay a dorun a nanlapud baybay tan paonlaen ko rad kabueran. Saray walad onaan ya olup et naablug irad Inatey a Dayat, tan saray walad bandad onur, diad Dayat na Mediteraneo. Ombanget iray inaatey a laman da. Deralen ko ra, lapud saray ginagawa rad sikayo.

Ezekiel 39:4

Diad satan sikato tan saray sondalo to et ompatey iran kibalatar ed kapalandeyan na Israel tan paolyan kon kanen na saray manok tan saray ayayep ed katakelan iray bangkay da.

Isaias 34:7

Saray totoo napelag iran singa saray bakad katakelan tan saray kilaw a bakan kalakyan tan nabalangaan na dala so mundo tan nalayanapan na taba.

Puyan 14:20

Apespes iray ubas ed panagpespesan a walad paway na baley, tan manlapud samay panagpespesan, pinmaway so dala tan dinmelap a say karokey to et duan lasus tan duamplon kilomitro, tan limaran dangan so kinaaralem to.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Ezekiel 39:11

Say Katawan kuanto, “No nagawa la ra yan amin, ibiigan kod Israel si Gog na pomponan a dalin diad Patar na saray Biahiro, diad bokig na Inatey a Dayat. Nipompon diman si Gog tan amin da ray sondalo to, et saman a patar natawag na ‘Say Patar na saray Sondalo nen Gog.’

Ezekiel 38:22

Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.

Ezekiel 35:6

Lapud saya, legan a siak so mabilay a Katawan a Dios, andi-duaruwan say patey so pansumpalan mo, tan ag mo ya nibatikan. Nankasalanan kad impanpatey mod saray totoo, kanyan osilan ka met na patey.

Ezekiel 14:19

“No mangipadalan ak na salot ed saman a bansa tan diad pasnuk ko mamatey ak na amayamay a totoo tan ayayep,

Jeremias 22:19

Singa kipompon na sakey ya asno so kipompon to, sikatoy nigayugoy tan nibantak ed paway na saray puirta na Jerusalem.”

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 66:24

“No onsisiput ira, nanengneng da ray bangkay na saray linmaban ed siak. Ag balut ompatey iray bigis a mangan ed sikara, tan ag balut naerep so apoy a mamool ed sikara. Makapaingungot ed amin a katoowan so nengneng da.”

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Nahum 3:3

Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton— nataktakbaan ira na saray totoo.

Ezekiel 32:4

Ibantak ta ka ed dalin tan ipakan ta ka ed saray amin a manok tan ayayep ed intiron mundo.