Isaias 34:11 - Maung A Balita Biblia

¹¹ Saray kulayot tan saray wawak la so onsalat a manayam ed saman a dalin. Say Katawan pagmaliwen ton bunton na deral-deral tan kitongilang ya amiy ganagana.

Maung a Balita Biblia

¹¹ Saray kulayot tan saray wawak la so onsalat a manayam ed saman a dalin. Say Katawan pagmaliwen ton bunton na deral-deral tan kitongilang ya amiy ganagana.

Isaias 34:11 Referans Kwoze

Saray Tagleey 2:8

Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

2 Saray Arari 21:13

Dusaen koy Jerusalem a singa ginawak ed Samaria, a singa ginawak ed kinen Ari Acab na Israel tan saray kabyangay boleg to. Pataynanen ko ray totood Jerusalem, et magmaliw a malinis a singa platon pinonasan tan impatikleb.

Sofonias 2:14

Magmaliw a sakey a pasen a pandokul-dokulan na saray karniro, baka, tan amin a klasiy ayayep. Manayam ed kawalaan da ray deral-deral iray kolayut tan ontaglool irad saray bintana. Manwakwak ed saray sasabiyen na puirta iray wawak. Naekal ed saray paalagey to iray tablan sidro.

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

2 Samuel 8:2

Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

Isaias 24:10

Magolo-golo lay siudad tan saray totoo et kakapotan day sikaran dili ed abung da, pian niarawi rad kaatapan.

Saray Salmo 102:6

Singa ak manok ya atap ed kalawakan, singa kulayot a manaayam ed aderal-deral a pasen.

Isaias 34:17

Say Katawan so mangapag ed sikara na dalin tan itdan toy balang sakey na apag. Mansiansia ran manayam ed dalin, tan kayaryan da ya anggad angga.

Amos 7:8

Tinepet tod siak, “Amos, antoy sankanengneng mo?” “Sakey a patawin,” ebat ko. Insan inkuantod siak, “Ikakanak yan patawin ta labay kon ipanengneng ed saray totook a singa ra sakey a padir ya aliway patawin to. Ag ko la omanen lamet so kanunotan ko diad panusak ed sikara.