Isaias 33:16 - Maung A Balita Biblia

¹⁶ Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Maung a Balita Biblia

¹⁶ Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Isaias 33:16 Referans Kwoze

Isaias 32:18

Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Habacuc 3:19

Pinabiskeg ak na Katawan a Dios. Patalabiten to ray salik a singa sali na ulsa tan iyarawi to ak ed kaatapan diad kapalandeyan.

Isaias 25:4

Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.

Saray Salmo 107:41

Balet inyagel tod kairapan da iray walad pankaukolan tan pinarakel ton singa karniro iray pamilya ra.

Saray Salmo 90:1

Katawan, sika lawas so abung mi diad amin ya kailalakan.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Saray Salmo 33:18

Imanoen na Katawan iray mangigagalang ed sikato, saray manmamatalek ed ag mangoman a panangaro to.

Saray Salmo 18:33

Gagawaen to ak a singa impansaliy ulsa; iyaarawi to ak ed kaatapan diad kapalandeyan.

Saray Salmo 91:14

Kuay Dios, “Ilaban ko ray mangaarod siak, tan iyagel ko ray mamibirbir ed siak a Katawan.

Saray Salmo 34:10

Anggan saray lion nanaandian iray nakan tan nanaerasan ira, balet ag onkukulang ed antokaman a maabig iray mangoonur ed Katawan.

Saray Salmo 15:1

Katawan, siopay nayarin onloob ed Timplom? Siopay nayarin mangigalang ed sika diad Sion, say masanton palandey mo?

Mateo 6:11

Itdan mo kami pay kanen mid sayan agew.

Probirbio 10:9

Arawid kaatapan iray totoon maptek so panagbilay da, balet naerel iray totoon pikewet so panagbilay da.

Isaias 58:14

narumog yod satan so liket ya iter na panlingkur ed siak. Pagmaliwen ta kayon galgalangen na sankamundoan, tan manliket kayo ed panayam yo ed dalin ya inter kod laki yon Jacob. Siak, say Katawan, so nansalita.”

Jeremias 37:21

Kanyan ingganggan nen Ari Sedekias a nipokuk ak ed dalem na patio a diman ak naiitdan na sakey a tinapay ya inagew-agew, anggad naoput lan amin so tinapay ed siudad.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

1 Saray Arari 19:6

Ninmengneng ed kaliber-liber, et anengneng tod olowan to so sakey a tinapay tan sakey a garapon na danum. Angan tan inminom, insan dinmokul lamet.

Saray Salmo 62:7

Walad Dios so kilalaban tan kagalangan ko; sikatoy mabiskeg a manangyagel ko; sikatoy salimbeng ko.

Isaias 30:20

Say Katawan abuloyan to kayon manliknay kairapan, balet wadtan a mangibangat ed sikayo; ag la nakaukolan ya anapen yo.