Isaias 33:12 - Maung A Balita Biblia

¹² Nabuyak kayon singa saray baton-dampay a pinoolan a gawaen a dena; natemek kayon singa saray sabit a pinoolan a padapolen.

Maung a Balita Biblia

¹² Nabuyak kayon singa saray baton-dampay a pinoolan a gawaen a dena; natemek kayon singa saray sabit a pinoolan a padapolen.

Isaias 33:12 Referans Kwoze

Isaias 27:4

Ag ak la mamapasnuk ed kaubasan. No wala bilang iray ambabaing tan sabitan ya eekalen, sigput ko ran poolan.

Amos 2:1

Say Katawan kuanto, “Nankakasalanan iray totoon taga Moab, kanyan andi-saew a dusaen ko ra. Ag da pinagalangan iray pokel na ari na Edom diad impamool dad sikara ya anggad dinmapol ira.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Isaias 9:18

Say kaogsan na saray totoo et ondadalang a singa apoy a manemek na abeba ran kiew tan saray masabit a dika. Ondadalang a singa pool ed takel a mangipapaatagey na makapal ya asewek.

Saray Salmo 118:12

Singa ra bayaung ya angambungal ed siak, balet naoput iran tampol a singa pinoolan a sinigit; pinapatey ko ra diad panamegley na pakayariy Katawan.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.