Isaias 33:10 - Maung A Balita Biblia

¹⁰ Say Katawan kuantod saray bansa, “Natan, siak so onggalaw. Ipanengneng koy ontan lan pakayarik.

Maung a Balita Biblia

¹⁰ Say Katawan kuantod saray bansa, Natan, siak so onggalaw. Ipanengneng koy ontan lan pakayarik.

Isaias 33:10 Referans Kwoze

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Sofonias 3:8

“Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Isaias 10:33

Say Katawan a Makapanyarin-amin biglan ipelag to ran singa sangay kiew a pinupo. Natipas tan napaabeba iray sankamapaatagey tan sankatageyan na kipapasen ed sikara.

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Saray Salmo 78:65

Diad kaonuran, say Katawan binmangon a singa aliing ed ogip to; singa toon mabiskeg a maniingal lapud abuek.

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Saray Salmo 7:6

Alagey ka lapud pasnuk mo, O Katawan! Talindeg ka sumpad sebeg da ray kalaban ko; bangon ka pa tan tulongan mo ak! Katonungan so labay mon nagawa,

Exodo 14:18

Diad panalok ed saray Egipsio naamtaan da a siak so Katawan!”

Isaias 2:21

No onsabiy Katawan a yegyegen toy dalin, saray onamut ed saray abut tan diad saray ongib ed kapokdulan iray totoo, pian napaliisan day pasnuk to tan niamutan day pakayari tan kagalangan to.

Saray Salmo 94:16

Siopay angitalindeg ed siak ed saray totoon maoges? Siopay angibad siak diad insumlang kod saray managgaway kaogsan?

Isaias 2:19

Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Saray Salmo 12:6

Napanmatalkan iray salita na Katawan; singa ra tuan pilak a pinapuron amimpito ed palbaan.