Isaias 32:18 - Maung A Balita Biblia

¹⁸ Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (

Maung a Balita Biblia

¹⁸ Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan.

Isaias 32:18 Referans Kwoze

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

Saray Hebreo 4:9

Kanyan wala ni sirin so agew a panagpainawa a nakdaan para saray totooy Dios, a singa impampainaway Dios diad kumapiton agew.

1 Juan 4:16

Kabat tan panisiaan tayoy panangaro na Dios ed sikatayo. Aro so Dios. Siopamay mangaro, manayam ed Dios tan manayam so Dios ed sikato.

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 14:3

Ekalen na Katawan so kairapan a liliknaen na saray totood Israel, tan say ambelat a kimey ya impasoot ed sikaran gawaen da.

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Isaias 28:12

Imbaga to ya itdan to kayon amin na inawa tan ligliwa, balet ag kayo dinmengel ed sikato.

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Isaias 65:9

Bindisionan ko ray Israelitan kabyangay tribu nen Juda, tan kayaryanen na saray kabyangay boleg da so dalin kon kapalandeyan. Manayam diman iray pinilik a totoo a manlilingkur ed siak.

Isaias 65:21

Mangipaalagey na kaabungan iray totoo tan panayaman da—ag ira ikana na arum a totoo. Mantanem ira na saray ubas tan manliket iran mangan na bunga—aliwan saray arum so mangan. Saray totook mambilay ira na andokey a singa saray kiew. Sigput dan pambilay iray bengatlan nansagputan da.

Zacarias 3:10

No onsabiy tan ya agew, balang sakey ed sikayo imbitaan to ray kakaaro to ya ondago tan manliket a walay kareenan tan arawid kaatapan diad pasen ya apaliberan na saray kaubasan tan saray kakiewan yon igos.”

Exodo 9:26

Say Gosen labat a panaayaman na saray Israelita so pasen ya anggapoy pinmelag a kristal.

Saray Salmo 107:7

Inwanwan to rad maptek a dalan a mamaarap ed sakey a siudad a napanayaman da.

Probirbio 24:15

Ag mo aaligen iray totoon maoges a mannununot na pantakew dad toon matonung odino panamsam dad abung to.

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Ezekiel 34:28

Ag la ran balut samsaman na saray bansan anggapoy Dios da, tan ag la ra buagen na saray ayayep ed takel. Mambilay la ran arawid kaatapan, tan anggapo lay manaktakot ed sikara.