Isaias 32:15 - Maung A Balita Biblia

¹⁵ Balet maminsan nin ibaki na Dios ed sikatayo so ispiritu to. Magmaliw a mataban dalin so kalawakan, tan mangiter na marakep a bunga iray kaalogan.

Maung a Balita Biblia

¹⁵ Balet maminsan nin ibaki na Dios ed sikatayo so ispiritu to. Magmaliw a mataban dalin so kalawakan, tan mangiter na marakep a bunga iray kaalogan.

Isaias 32:15 Referans Kwoze

Isaias 29:17

Onung na ibabaga ra, ag mabayag magmaliw a daralusan so makdel a takel, tan magmaliw a takel so daralusan.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 59:19

Amin a totoo, manlapud bokig ya anggad sagur, takotan day Katawan tan say baleg a pakayari to. Onsabi a singa maples ya ilog, singa mabiskeg a dagem.

Saray Gawgawa 2:33

Niatagey ed nikawanay Dios, tan inawat toy Ispiritu Santo ya insipan na Ama to. Inter nen Jesus yan Ispiritu Santo ed sikami, onung na nanenengneng tan narerengel yo natan.

Lucas 24:49

Tandaan yo ya! Ibakik ed sikayo so insipay Amak, balet ag kayo ni ontataynan ed siudad na Jerusalem, anggad ag kayo naitday pakayarin manlapud tawen.”

2 CORINTO 3:8

ag kasi lalon marlang so kagalangan ya iter na panaglingkur onung ed Ispiritu?

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Saray Salmo 104:30

Balet no itdan mo ra na ingas mo, napalsa ra; papasimbaloen moy bilay na dalin.

Isaias 63:11

Balet kabebekta anunotan da ray apalabas ya agew nen Moises ya aripen na Katawan, tan tinepet da, “Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

Isaias 45:8

Mangiter ak na pananalon singa oran a manlapud tawen; onsangiy dalin a mangawat ed oran et manrosas na kilalaban tan inkatonung. Siak, say Katawan, so mangyabuloy a nagawa ya.”

Probirbio 1:23

Dengel kayo no pampasnukan ta kayo; itdan ta kayoy maung a simbawa tan inagnag kod sikayoy pakatalus ko.

Isaias 35:7

magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Saray Salmo 107:35

Ginawa ton danum iray kabueran, tan impagmaliw ton managagos a sobul so amagan dalin.

Saray Salmo 107:33

Say Katawan sigput ton pinaekat iray ilog, tan pinatonda ton onagos iray sobul.

Juan 7:39

Diad saya, say labay ya ibaga nen Jesus et say Ispiritu ya awaten na saray manisiad sikato. Ag ni niiter ed saman so Ispiritu, ta ag ni inatey tan inmolid bilay si Jesus.

Isaias 28:6

Itdan to na maung a pakatalus ed katonungan iray huis, tan biskeg na linawa iray mangyaagel ed saray puirta na siudad pian ag nadogpaan na saray kalaban.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”