Isaias 31:9 - Maung A Balita Biblia

⁹ Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal.” Say Katawan so nansalita—say Katawan a nagagalang ed Jerusalem tan diman mandarlang so apoy to a pampopool ed saray bagat.

Maung a Balita Biblia

⁹ Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal. Say Katawan so nansalitasay Katawan a nagagalang ed Jerusalem tan diman mandarlang so apoy to a pampopool ed saray bagat.

Isaias 31:9 Referans Kwoze

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Isaias 29:6

say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Isaias 18:3

Dengel kayo, amin yon manaayam ed tapew na dalin. Nengneng yoy tandan bandiran nipaalagey ed saray toktok na palandey! Dengel yoy itanul na trumpita!

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Deuteronomio 32:37

Insan say Katawan tepeten tod saray totoo to, ‘Kawalaan da ra may makapanyarin diriyos a nanmatalkan yo?

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Levitico 6:13

Nepeg a mandarlang lawas so apoy ed tapew na altar tan ag balut paolyan a naerep.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 5:26

Say Katawan sisinyasan to a tawagen so sakey a bansan walad bandad arawi. Ngingisiwan to ra pian ondago ran manlapud saray samput na mundo. Et natan nia la ra; masigsiglat tan mapanaspas ira.

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Isaias 13:2

Diad toktok na kinmelang a pokdul, ibitin yoy bandiran para bakal! Kolyaotan yo ray sondalo tan itagey yo ray taklay yon maninyas ed sikara ya ondogpa rad saray puirta na mapaatagey a siudad.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 27:7

Say impanusa na Katawan ed Israel et aliwan mapalalon singa say impanusa tod saray kalaban to. Daiset iray apatey a totoo to nen saray apatey a kalaban to.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Isaias 37:37

Insan sinmener si Senakerib ya impirador na Asiria tan pinmawil ed Ninive.